ମଣିଷ ଆଉ ଗୃହପାଳିତ ପଶୁଙ୍କ ମଧ୍ୟରେ ସମ୍ପର୍କ ନିଆରା। ଏଥିରେ କୁକୁରର ସ୍ଥାନ ଉଚ୍ଚରେ। କାରଣ କୁକୁରକୁ ବିଶ୍ୱସ୍ତ ପ୍ରାଣୀର ଆଖ୍ୟା ଦିଆଯାଇଛି। ଅନେକ ସମୟରେ କୁକୁର ମାଲିକ ପାଇଁ ଜୀବନକୁ ବାଜି ଲଗାଇ ଦେବା ଭଳି ଘଟଣା ଦେଖିବାକୁ ମିଳେ। ଏହିପରିପ୍ରେକ୍ଷୀରେ ସୋଶାଲ ମିଡିଆରେ ଏକ ଭିଡିଓ ଭାଇରାଲ୍ ହେଉଛି।
ଭାଇରାଲ୍ ଭିଡିଓରେ ଏକ କୁକୁର ଆମ୍ବୁଲାନ୍ସ ପଛରେ ଦୌଡ଼ି ଯାଉଥିବା ଦେଖିବାକୁ ମିଳୁଛି। କୁକୁର ଆମ୍ବୁଲାନ୍ସ ପଛରେ ଦୌଡ଼ିବାର ମୁଖ୍ୟ କାରଣ ହେଉଛି ସେଥିରେ ତା'ର ମାଲିକ ଅଛନ୍ତି। ମାଲିକଙ୍କ ଦେହ ଅସୁସ୍ଥ ହେବାରୁ ତାଙ୍କୁ ଡାକ୍ତରଖାନା ନିଆଯାଉଥିଲା। ମାତ୍ର କୁକୁର କିଛି ବୁଝିପାରୁ ନଥିଲେ ବି ମାଲିକ ବିପଦରେ ଥିବା ଅନୁଭବ କରିଥିଲା, ଆଉ ମାଲିକଙ୍କ ପଛେ ପଛେ ଯାଇଥିଲା।
Also Read
ଆମ୍ବୁଲାନ୍ସ ଯେତେ ଜୋରରେ ଯାଉଥାଏ, କୁକୁର ସେତେ ଜୋରରେ ଦୌଡ଼ୁଥାଏ। ଏପରି ଦୃଶ୍ୟ ଦେଖି ନା ଆମ୍ବୁଲାନ୍ସ ଡ୍ରାଇଭର ନା ଅନ୍ୟ କୌଣସି ଗାଡ଼ି ଡ୍ରାଇଭର ଭଲ ଭାବେ ଗାଡ଼ି ଚଲାଇ ପାରୁନଥିଲେ। ଶେଷରେ ଆମ୍ବୁଲାନ୍ସ ଡ୍ରାଇଭର ବାଧ୍ୟ ହୋଇ ଗାଡି ରଖି ଡୋର୍ ଖୋଲିଥିଲେ। ଆଉ କାଳବିଳମ୍ବ ନ କରି କୁକୁର ଆମ୍ବୁଲାନ୍ସ ଭିତରେ ଶୋଇଥିବା ମାଲିକଙ୍କୁ ପାଖକୁ ଚାଲି ଯାଇଥିଲା। ଏହାପରେ ଡ୍ରାଇଭର ଆମ୍ବୁଲାନ୍ସକୁ ନେଇ ଡାକ୍ତରଖାନାରେ ପହଞ୍ଚାଇଥିଲେ।
ତାରାବୁଲ୍ ନାମକ ଏକ ସୋଶାଲ ମିଡିଆ ୟୁଜର୍ ଏହି ଭିଡିଓ ପୋଷ୍ଟ କରିଛନ୍ତି। କୁକୁରର ମାଲିକଙ୍କ ପ୍ରତି ଥିବା ଏହି ଆବେଗଭରା ଭିଡିଓ ଖୁବ୍ ଭାଇରାଲ୍ ହେଉଛି। ମାତ୍ର କିଛି ଦିନ ମଧ୍ୟରେ ଭିଡିଓକୁ ୩୦ ଲକ୍ଷରୁ ଅଧିକ ଲୋକ ଦେଖି ସାରିଲେଣି। ତେବେ ଏହା କେଉଁ ଅଞ୍ଚଳର ଘଟଣା ସେନେଇ କୌଣସି ସ୍ପଷ୍ଟ ରିପୋର୍ଟ ନାହିଁ।
A dog was running after the ambulance that was carrying their owner. When the EMS realized it, he was let in. ❤️ pic.twitter.com/Tn2pniK6GW
— TaraBull (@TaraBull808) September 12, 2024
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
