ଏକ ସରକାରୀ ବିଦ୍ୟାଳୟର ଶିକ୍ଷୟିତ୍ରୀ ଓ ତାଙ୍କର ଜଣେ ଛାତ୍ରଙ୍କ ଫଟୋ ସୋଶାଲ ମିଡିଆରେ ଭାଇରାଲ୍ ହେଉଛି। ଫଟୋରେ ଥିବା ଶିକ୍ଷୟିତ୍ରୀ ଓ ଛାତ୍ର ଜଣଙ୍କ ହେଉଛନ୍ତି କର୍ଣ୍ଣାଟକାର ଚିକ୍କବଲ୍ଲାପୁର ଜିଲ୍ଲା ମୁରୁଗମଲ୍ଲା ସ୍ଥିତ ସରକାରୀ ବିଦ୍ୟାଳୟର। ଛାତ୍ର ଜଣଙ୍କ ଦଶମ ଶ୍ରେଣୀରେ ପଢ଼ନ୍ତି।
ଏକ ଷ୍ଟଡି ଟୁରରେ ଯାଇଥିବା ବେଳେ ଶିକ୍ଷୟିତ୍ରୀ ଜଣଙ୍କ ଉକ୍ତ ଛାତ୍ରଙ୍କ ସହିତ ରୋମାଣ୍ଟିକ୍ ଫଟୋ ଶୁଟ୍ କରିଥିଲେ। ଏହି ଫଟୋଗୁଡ଼ିକ ମଧ୍ୟରୁ କେଉଁଥିରେ ଶିକ୍ଷୟିତ୍ରୀ ଜଣଙ୍କ ଉକ୍ତ ଛାତ୍ରଙ୍କୁ ଚୁମା ଦେଉଛନ୍ତି ତ ଆଉ କେଉଁଥିରେ ଛାତ୍ର ଜଣଙ୍କ ଶିକ୍ଷୟିତ୍ରୀଙ୍କୁ ଚୁମା ଦେଉଛନ୍ତି। ଆଉ କେଉଁ ଫଟୋରେ ଛାତ୍ର ଜଣଙ୍କ ତାଙ୍କ ଶିକ୍ଷୟିତ୍ରୀଙ୍କୁ ବୋହିଛନ୍ତି ତ ଆଉ କେଉଁଥିରେ ତାଙ୍କ ଶାଢ଼ୀର କାନିକୁ ଟାଣି ଧରିଛନ୍ତି।
Also Read
ସେମାନଙ୍କର ଏହି ଫଟୋଗୁଡ଼ିକୁ ଅମିତ ସିଂହ ରାଜାୱତ ନାମକ ଜଣେ ବ୍ୟକ୍ତି ତାଙ୍କ Xରେ ପୋଷ୍ଟ କରି ସମାଜ କେଉଁ ଆଡ଼କୁ ଯାଉଛି ବୋଲି ପ୍ରଶ୍ନ କରିଛନ୍ତି। ସେ ସୂଚନା ଦେଇଛନ୍ତି ଯେ ଉକ୍ତ ଛାତ୍ରଙ୍କ ବାପା ବ୍ଲକ୍ ଶିକ୍ଷାଧିକାରୀ (ବିଇଓ)ଙ୍କ ନିକଟରେ ଶିକ୍ଷୟିତ୍ରୀଙ୍କ ଏଭଳି ଆଚରଣ ନେଇ ଅଭିଯୋଗ କରିଛନ୍ତି ଓ ଘଟଣାର ତଦନ୍ତ କରିବା ପାଇଁ ଦାବି କରିଛନ୍ତି।
ଉକ୍ତ ଶିକ୍ଷୟିତ୍ରୀ ଓ ଛାତ୍ରଙ୍କ ପରିଚୟକୁ ଗୋପନ ରଖାଯାଇଛି। ତେବେ ଏହି ଫଟୋଗୁଡ଼ିକୁ ଦେଖି ସୋଶାଲ ମିଡିଆ ୟୁଜରମାନେ ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି। କିଏ କହିଛନ୍ତି ଶିକ୍ଷୟିତ୍ରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବା ଦରକାର। ସେହିଭଳି ଆଉ କେହି କହିଛନ୍ତି ଯେ ଉକ୍ତ ଛାତ୍ରଙ୍କ ଉପରେ ମଧ୍ୟ କାର୍ଯ୍ୟାନୁଷ୍ଠାନ ହେବା ଆବଶ୍ୟକ। କେହି କେହି ସେମାନେ କିଛି ଭୁଲ୍ କରି ନାହାନ୍ତି ବୋଲି କହିଛନ୍ତି।
Where are we heading as a society ?
— Amit Singh Rajawat (@satya_AmitSingh) December 28, 2023
Pictures and videos from a romantic photoshoot of a government school teacher with a Class 10 student in Karnataka's Murugamalla Chikkaballapur district, went viral, following which the student's parents filed complaint with the Block… pic.twitter.com/WviIHtOP3J
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
