ସାମ୍ନାକୁ ଆସିଛି ବିଚଳିତ କରିବା ଭଳି ଭିଡିଓ। ଜଣେ ମଦ୍ୟପ ଡ୍ରାଇଭର ବିଚ୍ ରାସ୍ତାରେ ଘଟାଇଛନ୍ତି ଜଘନ୍ୟ କାଣ୍ଡ। ଯାଞ୍ଚ ବେଳେ ସେ ମଦ ନିଶାରେ ଜଣେ ଟ୍ରାଫିକ ପୁଲିସ୍ ଅଧିକାରୀଙ୍କୁ ଗାଡ଼ି ସହ ବେଶ କିଛି ବାଟ ଘୋଷାଡ଼ି ନେଇଛନ୍ତି।
ପୁଲିସ୍ ବାବୁ ଜଣଙ୍କ ଗାଡ଼ି ଚାଳକଙ୍କୁ ବୈଧ କାଗଜପତ୍ର ମାଗିଥିଲେ। ବାସ୍ ସେଠାରୁ ଖସି ଯିବା ପାଇଁ ଡ୍ରାଇଭର ଜଣଙ୍କ ଦ୍ରୁତଗତରେ ଗାଡ଼ି ସହ ପୁଲିସ ବାବୁଙ୍କୁ ବେଶ କିଛି ବାଟ ଘୋଷାଡ଼ି ନେଇଥିଲେ। ହରିୟାଣାର ଫରିଦାବାଦ ଅନ୍ତର୍ଗତ ବାଲ୍ଲାଭାଗର ବସ୍ ଷ୍ଟାଣ୍ଡ ନିକଟରେ ଘଟିଥିବା ଏହି ଘଟଣାଟି କ୍ୟାମେରାରେ ମଧ୍ୟ କଏଦ ହୋଇଛି।
Also Read
ପୁଲିସ୍ର ସୂଚନା ଅନୁସାରେ, ଶୁକ୍ରବାର ସନ୍ଧ୍ୟାରେ ଜଣେ ମଦ୍ୟପ କାର ଡ୍ରାଇଭର ରାସ୍ତା ମଝିରେ ଗାଡ଼ି ରଖି ନିଜ ଇଚ୍ଛାରେ ଯାତ୍ରୀ ଉଠାଉଥିଲେ। ଏଥିଯୋଗୁ ଟ୍ରାଫିକ ସମସ୍ୟା ଦେଖାଯାଇଥିଲା। ଗାଡ଼ିଟି ରାସ୍ତା ମଝିରେ ରହିଥିବାରୁ ଜଣେ ଟ୍ରାଫିକ ସବ ଇନସପେକ୍ଟର ତାଙ୍କ ପାଖକୁ ଯାଇ କାଗଜପତ୍ର ମାଗିଥିଲେ। ଏଥିସହ ଚାଲାଣ କାଟିବାକୁ ପ୍ରକ୍ରିୟା ଆରମ୍ଭ କରିଥିଲେ। ତେବେ ଏହି ରୁଟିନ ଚେକ୍ ତୁରନ୍ତ ଅଲଗା ମୋଡ ନେଇଥିଲା।
VIDEO | #Haryana: A cab driver tried to flee when traffic police asked for the documents of the vehicle he was driving in Ballabgarh. He was nabbed by traffic cops after a short chase. The incident reportedly took place yesterday.
— Press Trust of India (@PTI_News) June 22, 2024
(Source: Third Party) pic.twitter.com/eJILVSsqMJ
ଇନସପେକ୍ଟର ଜଣଙ୍କ ଗାଡ଼ି ଡ୍ରାଇଭର ବସିଥିବା ଡୋର ପାଖକୁ ଯାଇ ଏହାକୁ ଖୋଲିଥିଲେ। ତେବେ ଡ୍ରାଇଭର ଜଣଙ୍କ ଏକ୍ସିଲେଟର ଦବାଇ ସେଠାରୁ ଖସିଯିବାକୁ ଚେଷ୍ଟା କରିଥିଲେ। କିନ୍ତୁ ତାଙ୍କ ହାତକୁ ଧରି ସବ ଇନସପେକ୍ଟର ଜଣଙ୍କ ଝୁଲି ପଡ଼ିଥିଲେ। ସେହି ଅବସ୍ଥାରେ ଡ୍ରାଇଭର ଜଣଙ୍କ ବେଶ କିଛି ବାଟ ତାଙ୍କୁ ଘୋଷାଡ଼ି ନେଇଥିଲେ।
ଏହାପରା ଗାଡ଼ିଟି ଅଟକି ଯାଇଥିଲା। ସାଧାରଣ ଓ ଅନ୍ୟ ପୁଲିସ୍ କର୍ମଚାରୀମାନେ ଏକାଠି ହୋଇ ମଦପ୍ୟ ଡ୍ରାଇଭରଙ୍କୁ କାବୁ କରିବା ସହ ଝୁଲନ୍ତା ଅବସ୍ଥାରେ ଥିବା ସବ ଇନସପେକ୍ଟରଙ୍କୁ ଗାଡ଼ିରୁ ବାହାର କରିଥିଲେ।
ପୁଲିସ୍ ଘଟଣା ପରେ ମଦପ୍ୟ ଡ୍ରାଇଭରଙ୍କୁ ଗିରଫ କରିଛି ଓ ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବ ବୋଲି କହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
