OR 
ବାଲୁଗାଁ ପ୍ରାଣୀ ଚିକିତ୍ସାଳୟରେ ପ୍ରାଣୀ ଚିକିତ୍ସକ ଦେବାଶିଷ ଦାସ ମଦ ପିଇ ନାଚୁଥିବାର ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହେଉଛି। ଏଥିରେ ସେ ମୁଣ୍ଡ ଉପରେ ମଦ ଭର୍ତ୍ତି ଗ୍ଲାସ ରଖି ନୃତ୍ୟ କରୁଛନ୍ତି। ତା’ ସହିତ ସିଗାରେଟ୍ ମଧ୍ୟ ଟାଣୁଛନ୍ତି।
ଭିଡିଓଟି ପୁରୁଣା ହୋଇଥିଲେବି ଏବେ ସୋଶାଲ ମିଡିଆରେ ଭାଇରାଲ ହେଉଛି। ଭିଡିଓ ଭାଇରାଲ ହେବା ପରେ ପ୍ରାଣୀ ଚିକିତ୍ସକ ଦେବାଶିଷ ଦାସ କହିଛନ୍ତି, ଏଇଟା ନୂଆ ବର୍ଷର ଭିଡିଓ। ଅଫିସରେ ନୁହେଁ, ଜଣଙ୍କ ଘରେ ଏହା ହୋଇଥିଲା। ତେବେ ଏହା ଠିକ୍ ନୂହେଁ ବୋଲି ସେ କହିଛନ୍ତି।
Also Read
ପ୍ରାଣୀ ଚିକିତ୍ସକ ଦେବାଶିଷଙ୍କ ସଫେଇ ପୂରା ମିଛ ବୋଲି ଜଣାପଡ଼ିଛି। କାରଣ ନାଚିବା ପରେ ଯେଉଁ ଆଲମିରା ଉପରେ ସେ ମଦ ଗ୍ଲାସ ରଖିଥିବା ଦେଖିବାକୁ ମିଳିଛି, ତାହା ତାଙ୍କ ଅଫିସରେ ଅଛି। ସେହିଭଳି ଭାଇରାଲ ଭିଡିଓରେ ଥିବା କୋଠରୀ ତାଙ୍କ ଅଫିସର।
ଜଣେ ସରକାରୀ କର୍ମଚାରୀ ହୋଇ ଅଫିସ ଭିତରେ ଡାକ୍ତର ଦାସ ଏଭଳି କାମ କରିବା ଆଦୌ ଠିକ୍ ନୁହେଁ ବୋଲି ଆଲୋଚନା ହେଉଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
