କଥାରେ ଅଛି 'ଅତିଥି ଦେବୋ ଭବଃ', ଅର୍ଥାତ୍ ଅତିଥି ହିଁ ଭଗବାନ । ତେଣୁ ଭାରତରେ ଅତିଥିମାନେ ଭଗବାନଙ୍କ ସହ ସମାନ ବୋଲି ବିବେଚନା କରାଯାଏ। ଏହି ଚିନ୍ତାଧାରା ଅନୁଯାୟୀ ଭାରତରେ ପର୍ଯ୍ୟଟନକୁ ମଧ୍ୟ ପ୍ରୋତ୍ସାହିତ କରାଯାଏ। କିନ୍ତୁ ବେଳେବେଳେ କିଛି ବିଦେଶୀ ପର୍ଯ୍ୟଟକ ଆମ ଦେଶରେ ଅସଦାଚରଣରର ଶିକାର ହେବାକୁ ପଡେ। ଯାହା ଦେଶର ଭାବମୂର୍ତ୍ତିକୁ କ୍ଷୁର୍ଣ୍ଣ କରିଥାଏ ।
ନିକଟରେ ଦେଶର ରାଜଧାନୀ ଦିଲ୍ଲୀରେ ଏକ ବିଦେଶୀ ପର୍ଯ୍ୟଟକଙ୍କୁ ଠକିବାର ଏକ ମାମଲା ସାମ୍ନାକୁ ଆସିଛି। ଯାହା ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି। ଦିଲ୍ଲୀର ଜଣେ ରିକ୍ସା ଚାଳକ ବିଦେଶୀ ପର୍ଯ୍ୟଟକଙ୍କୁ ଠକେଇ କରୁଥିବା ଦେଖିବାକୁ ମିଳିଛି।
Also Read
ଏକ ଭିଡିଓରେ ଦେଖିବାକୁ ମିଳିଛି ଯେ ଦିଲ୍ଲୀର ଏକ ରିକ୍ସା ଚାଳକ ଜଣେ ବିଦେଶୀ ଯୁବତୀଙ୍କ ଠାରୁ ମାତ୍ର ୨ କିଲୋମିଟର ଯାତ୍ରା ପାଇଁ ୬,୦୦୦ ଟଙ୍କା ମାଗିଥିଲେ। ଯାହା ଦିଲ୍ଲୀର ଜାମା ମସଜିଦରୁ ଲାଲ୍ କିଲ୍ଲା ପର୍ଯ୍ୟନ୍ତ ଯାତ୍ରା ଥିଲା। ଏହି ଘଟଣା ବର୍ତ୍ତମାନ ଇଣ୍ଟରନେଟରେ ଭାଇରାଲ ହେବାରେ ଲାଗିଛି।
ଭାରତ ଭ୍ରମଣରେ ଆସିଥିବା ସିଙ୍ଗାପୁର ଟ୍ରାଭେଲ୍ ବ୍ଲଗର୍ ଚାନ ନାମକ ଏକ ଯୁବତୀ ନିଜ ଇନଷ୍ଟାଗ୍ରାମରେ ସେୟାର କରି କହିଛନ୍ତି, ଜଣେ ରିକ୍ସା ଚାଳକ ପ୍ରଥମେ ଜମା ମସଜିଦରୁ ଲାଲ୍ କିଲ୍ଲା ପର୍ଯ୍ୟନ୍ତ ୧୦୦ ଟଙ୍କା ନେବେ ବୋଲି କହିଥିଲେ, କିନ୍ତୁ ପରେ ୬,୦୦୦ ଟଙ୍କା ମାଗିଥିଲେ। ଏହାକୁ ନେଇ ଉଭୟଙ୍କ ମଧ୍ୟରେ ଯୁକ୍ତିତର୍କ ହେଲା। ଶେଷରେ ସେ ଇଚ୍ଛା ନଥାଇ ମଧ୍ୟ ବିବାଦରୁ ବର୍ତ୍ତିବା ପାଇଁ ବାଧ୍ୟ ହୋଇ ୨,୦୦୦ ଟଙ୍କା ଦେଇଥିଲେ। ଦିଲ୍ଲୀର ଏହି ଘଟଣା ପରେ ସୋଶାଲ ମିଡିଆରେ ମିଶ୍ର ପ୍ରତିକ୍ରିୟା ପ୍ରକାଶ ପାଇଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
