ନିମିଷକେ ଉଭେଇଗଲା ସବୁ ସୁଖ। ଛୁଆଙ୍କ ଆଖି ଆଗରେ ଭାସିଗଲା ମାଆ। ସାମାନ୍ୟ ଅବହେଳା ପାଇଁ ପିକନିକରେ ଆସିଥିବା ପରିବାରର ସବୁ ସୁଖ, ଦୁଃଖରେ ପରିଣତ ହୋଇଗଲା। ଏପରି ଏକ ଦୁଃଖଦ ଘଟଣା ଘଟିଛି ମୁମ୍ବାଇର ବାନ୍ଦ୍ରା ସ୍ଥିତ ବସ୍ତାନ୍ଦ ନିକଟରେ।
ମୃତକଙ୍କ ନାଁ ଜ୍ୟୋତି ସୋନାର। ତାଙ୍କ ପରିବାର ମୁମ୍ବାଇ ଭ୍ରମଣରେ ଆସିଥିଲେ। ପ୍ରଥମେ ମୁମ୍ବାଇର ଜୁହୁ ଚୌପାତ୍ତି ଯିବାକୁ ଯୋଜନା କରିଥିଲେ। କିନ୍ତୁ ସେଠାରେ ସମୁଦ୍ରକୁ ଯିବାକୁ ବାରଣ ଥିବାରୁ ବାନ୍ଦ୍ରା ଯାଇଥିଲେ। ବାନ୍ଦ୍ରା ଦୁର୍ଗରେ ପହଞ୍ଚିବା ପରେ ଫଟୋ ଉଠାଇବା ପାଇଁ ସମୁଦ୍ରକୂଳକୁ ଯାଇଥିଲେ ଜ୍ୟୋତିଙ୍କ ପରିବାର। ସେଠାରେ ଜ୍ୟୋତି ଏବଂ ତାଙ୍କ ସ୍ୱାମୀ ଏକ ପଥର ଉପରେ ବସିଥିବା ବେଳେ ତାଙ୍କ ପୁଅ ଟିକିଏ ଦୂରରେ ଥାଇ ଫଟୋ ଉଠାଉଥିଲା।
This is so horrible How can a person risk their life for some videos..
— Pramod Jain (@log_kyasochenge) July 15, 2023
The lady has swept away and lost her life in front of his kid.#bandstand #Mumbai pic.twitter.com/xMat7BGo34
ଏହି ସମୟରେ ହଠାତ୍ ଏକ ଉଚ୍ଚ ଜୁଆର ଆସିବାରୁ ଭାସି ଯାଇଥିଲେ ଜ୍ୟୋତି। ପିଲାଟି 'ମମି' 'ମମି' କହି ଜୋରରେ ଚିତ୍କାର କରିଥିଲା। ଉପସ୍ଥିତ ଜଣେ ବ୍ୟକ୍ତି ଜ୍ୟୋତିଙ୍କୁ ରକ୍ଷା କରିବା ପାଇଁ ତାଙ୍କ ଶାଢୀକୁ ଟାଣି ଧରିବାକୁ ମଧ୍ୟ ଚେଷ୍ଟା କରିଥିଲେ। ହେଲେ ସମୁଦ୍ର ଜୁଆରରେ ଭାସି ଯାଇଥିଲେ ଜ୍ୟୋତି। ଖବର ପାଇ ଉଦ୍ଧାରକାରୀ ଟିମ୍ ପହଞ୍ଚି ବହୁ ଖୋଜାଖୋଜି କରିବା ପରେ ରବିବାର ତାଙ୍କ ମୃତଦେହ ଉଦ୍ଧାର ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
