ପୋଖରୀରେ ବୁଡ଼ି ମା’-ଝିଅଙ୍କ ମୃତ୍ୟୁ

ପୋଖରୀକୁ ଗାଧୋଇବା ପାଇଁ ଯାଇଥିବା ବେଳେ ସନ୍ଧ୍ୟାରାଣୀ ପ୍ରଧାନ ଓ ତାଙ୍କ ଝିଅ ବୁଡ଼ି ଯାଇଥିବା ଜଣାପଡ଼ିଛି।

Drown

Representational Image

Jitendra Garnayak
  • Published: Tuesday, 24 October 2023
  • Updated: 24 October 2023, 04:23 PM IST

Sports

Latest News

ନୟାଗଡ଼ ଜିଲ୍ଲା ଦଶପଲ୍ଲା ଥାନା ଘୋଳାହାଣ୍ଡି ଗାଁରେ ପୋଖରୀରେ ବୁଡ଼ି ଆଜି ଜଣେ ମହିଳା ଓ ତାଙ୍କ ଝିଅର ମୃତ୍ୟୁ ଘଟିଛି। ମୃତକ ଦ୍ୱୟ ହେଉଛନ୍ତି ଗାଁର ପୂର୍ଣ୍ଣଚନ୍ଦ୍ର ପ୍ରଧାନଙ୍କ ପତ୍ନୀ ସନ୍ଧ୍ୟାରାଣୀ ପ୍ରଧାନ ଓ ତାଙ୍କ ୧୩ ବର୍ଷର ଝିଅ ବର୍ଷାରାଣୀ ପ୍ରଧାନ।

ପୋଖରୀକୁ ଗାଧୋଇବା ପାଇଁ ଯାଇଥିବା ବେଳେ ସନ୍ଧ୍ୟାରାଣୀ ଓ ତାଙ୍କ ଝିଅ ବୁଡ଼ି ଯାଇଥିବା ଜଣାପଡ଼ିଛି। ସେମାନେ ବହୁ ସମୟ ପର୍ଯ୍ୟନ୍ତ ଘରକୁ ନଫେରିବାରୁ ସନ୍ଧ୍ୟାରାଣୀଙ୍କ ମା’ ପୋଖରୀ ନିକଟକୁ ଯାଇଥିଲେ। ସେତେବେଳେ ସନ୍ଧ୍ୟାରାଣୀ ଓ ବର୍ଷାରାଣୀ ପୋଖରୀରେ ଭାସୁଥିବା ସେ ଦେଖିବାକୁ ପାଇଥିଲେ।

Also Read

ଘଟଣା ସଂପର୍କରେ ଜଣାପଡ଼ିବା ପରେ ଗ୍ରାମବାସୀ ଦମକଳ ବାହିନୀକୁ ଖବର ଦେଇଥିଲେ। ଦମକଳ ବାହିନୀ ଆସି ସନ୍ଧ୍ୟାରାଣୀ ଓ ତାଙ୍କ ଝିଅ ବର୍ଷାରାଣୀଙ୍କୁ ପୋଖରୀରୁ ଉଦ୍ଧାର କରି ଦଶପଲ୍ଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ। ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ।

୨୦୧୮-୧୯ରୁ ୨୦୨୨-୨୩ ବର୍ଷ ମଧ୍ୟରେ ରାଜ୍ୟରେ ପୋଖରୀ, ନଦୀ, ଜଳପ୍ରପାତ, ସମୁଦ୍ର ଆଦିରେ ବୁଡ଼ି ୭୮୭୪ ଜଣଙ୍କ ମୃତ୍ୟୁ ଘଟିଛି। ଏହି ସମୟ ମଧ୍ୟରେ ନୟାଗଡ଼ ଜିଲ୍ଲାରେ ୧୨୦ ଜଣ ବୁଡ଼ି ମରିଛନ୍ତି। ନିକଟରେ ଶେଷ ହୋଇଥିବା ବିଧାନସଭାର ମୌସୁମୀ ଅଧିବେଶନରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁଦାମ ମାର୍ଣ୍ଡି ଗୃହରେ ଏହି ତଥ୍ୟ ଦେଇଥିଲେ।

ଦଶପଲ୍ଲାରୁ ସଞ୍ଜୀବ ସାହୁଙ୍କ ରିପୋର୍ଟ

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos