ନିଦ ହେଉନି କି? ଜାଣନ୍ତୁ, ଘରେ ଥାଇପାରେ ବାସ୍ତୁ ଦୋଷ

ଆଜିକାଲିର ବ୍ୟସ୍ତବହୁଳ ଦୁନିଆରେ ନିଦ୍ରାହୀନତା ଏକ ସାଧାରଣ ସମସ୍ୟା ହୋଇଯାଇଛି। ଦିନସାରା କାମର ଚାପ ପରେ ରାତିରେ ନିଦ ହେଉ ନଥିବାରୁ ସାଧାରତଃ ଲୋକେ ଔଷଧ ସେବନ କରନ୍ତି। ତେବେ ଅନେକ କ୍ଷେତ୍ରରେ ଘରେ ବାସ୍ତୁ ଦୋଷ ଥିଲେ ମଧ୍ୟ ନିଦ ହୋଇନଥାଏ। ତା’ହେଲେ ଆସନ୍ତୁ ଜାଣିବା କେଉଁ ସବୁ ବାସ୍ତୁଦୋଷ ଥିଲେ ନିଦ ହୁଏ ନାହିଁ।

  • ବାସ୍ତୁଶାସ୍ତ୍ର ଅନୁଯାୟୀ ନିଜ ବେଡ୍‌ ତଳକୁ ସବୁବେଳେ ପରିଷ୍କାର ରଖିବା ଦରକାର l ବେଡ୍‌ ତଳେ କିଛି ଆଜେବାଜେ ଜିନିଷ ରଖିଲେ ସେଥିରୁ ନକାରାତ୍ମକ ଶକ୍ତି ବାହାରିଥାଏ l ଫଳରେ ଭଲ ନିଦ ହୋଇ ନଥାଏ।
  • ବାସ୍ତୁ ଅନୁସାରେ ଶୋଇବା ଘରେ ଫ୍ରିଜ, ଗ୍ୟାସ, ଇନଭର୍ଟର ଆଦି ରଖିବା କଥା ନୁହେଁ l ଏହାଦ୍ୱାରା ନିଦ ବାଧାପ୍ରାପ୍ତ ହୋଇଥାଏ l ମାନସିକ ଚାପ ବଢିଥାଏ। ତେଣୁ ତୁରନ୍ତ ଏସବୁ ଜିନିଷ ବାହାର କରି ବେଡ଼ରୁମକୁ ପରିଷ୍କାର ରଖିବା ଉଚିତ l
  • ବେଡ୍‌ ସବୁବେଳେ କାଠର ହେବା ଦରକାର l ଏହା ଲୁହା କିମ୍ବା ଅନ୍ୟ କୌଣସି ଜିନିଷରେ ହେଲେ ନିଦରେ ସମସ୍ୟା ହୋଇଥାଏ l
  • ବେଡ୍‌ ବୃତ୍ତାକାର ବା ଅର୍ଦ୍ଧ ବୃତ୍ତାକାର ହେବା ଉଚିତ ନୁହେଁ l ଏମିତି ହେଲେ ନିଦ ଉପରେ କୁପ୍ରଭାବ ପଡ଼ିଥାଏ। ବେଡ୍‌ ସବୁବେଳେ ଆୟତାକାର ହେବା ଉଚିତ୍।
  • ବେଡ୍‌ ରୁମକୁ ସଜାଇବାକୁ ଯାଇ କୌଣସି କଣ୍ଟକିତ ଗଛ କିମ୍ବା ନକଲି ଗଛ ରଖିବା ଉଚିତ ନୁହେଁ l ସେହିପରି ବେଡ୍‌ ରୁମ୍‌ରେ ଲାଗିଥିବା ଏସି କିମ୍ବା ଫ୍ୟାନ ଖରାପ ହେଲେ କିମ୍ବା ସେଥିରୁ କିଛି ଶବ୍ଦ ହେଲେ ତାହାକୁ ତୁରନ୍ତ ସଜାଡ଼ି ଦେବା ଉଚିତ l ନଚେତ ନିଦ ହେବାରେ ସମସ୍ୟା ଦେଖାଦେଇପାରେ l

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।