ପାରାଦୀପ: ତୈଳ ବିଶୋଧନାଗାରରେ ଷ୍ଟିମ୍ ଗ୍ୟାସ୍ ଲିକ୍,୨ ଶ୍ରମିକ ଆହତ

ପାରାଦୀପ:  ତୈଳ ବିଶୋଧନାଗାର ପରିସରରେ ଆଜି ଏକ ଷ୍ଟିମ୍ ଗ୍ୟାସ୍ ଲିକ୍ ହୋଇ ୨ଶ୍ରମିକ ଗୁରୁତର ହୋଇଛନ୍ତି। ଆହତ ମାନେ ହେଲେ  ମିର୍ ଅହମ୍ମଦ ଓ ସତୀଶ ଗୁପ୍ତା। ଏହି  ଦୁଇ ଜଣ ଶ୍ରମିକ ପାୱାର ମେକ୍ ନାମକ ଏକ କମ୍ପାନି ଅଧିନରେ କାର୍ଯ୍ୟ କରୁଥିଲେ। ସକାଳୁ  ୨ଜଣ ଶ୍ରମିକ କାମ କରୁଥିବା ବେଳେ ହଠାତ୍ ଷ୍ଟିମ୍ ଗ୍ୟାସ୍ ଲିକ୍ ହୋଇଥିଲା। ବିଶୋଧନାଗାର ପରିସରରେ ବିଭିନ୍ନ ୟୁନିଟ୍ କାର୍ଯ୍ୟକ୍ଷମ ନେଇ ପରିକ୍ଷଣ କାର୍ଯ୍ୟ ଚାଲୁଥିବା ବେଳେ ଭୁଲ୍ ବଶତଃ ଏହାକୁ କେହି ଖୋଲିଦେଇଥିବା ଜଣାପଡିଛି। ଗରମ ଗ୍ୟାସ ଲିକ୍ ହେବା ପରେ ଗୁରୁତର କାମ କରୁଥିବା ୨ଜଣ ଶ୍ରମିକ ଚେତାଶୂନ୍ୟ ହୋଇ ତଳେ ପଡି ଯାଇଥିଲେ। ଆହତ ହୋଇଥିବା ଶ୍ରମିକଙ୍କୁ ସ୍ଥାନୀୟ ବିଜୁ ମେମୋରିଆଲରେ ଭର୍ତ୍ତି କରାଯାଇଥିଲା। ଏନେଇ ଖବର ପ୍ରଚାରିତ ହେବା ପରେ କିଛି ସମୟ ଧରି କମ୍ପାନି ପରିସରରେ ଉତ୍ତେଜନା ପ୍ରକାଶ ପାଇଥିଲା। ଖବର ପାଇ କମ୍ପାନିର ବରିଷ୍ଠ ପଦାଧିକାରୀ ଓ ପୋଲିସ୍ ଘଟଣା ସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲେ।