ମୁମ୍ବାଇ: କରୋନା ପାଇଁ ଏବେ ସାରା ଦେଶକୁ ଲକ୍ଡାଉନ୍ କରିଦିଆଯାଇଛି। ସମସ୍ତଙ୍କ ପରି ବଲିଉଡ୍ ସେଲେବ୍ରିଟିମାନେ ମଧ୍ୟ ଏହି ସମୟରେ ଘରେ ରହୁଛନ୍ତି। କେହି କେହି ବିରକ୍ତ ହେଉଥିବା ବେଳେ ଆଉ କେହି କେହି ଘର ଲୋକଙ୍କ ସହିତ ଭଲରେ ସମୟ କାଟୁଛନ୍ତି। ଆଉ ଏଭଳି ଏକ ସମୟରେ ଏକାଠି ହୋଇଛନ୍ତି ଆଲିଆ ଭଟ୍ଟ ଓ ରଣବୀର କପୁର। ସେମାନେ ଏବେ ଏକାଠି ସମୟ ବିତାଉଥିବା ଜଣାପଡ଼ିଛି।
https://www.instagram.com/p/B-R8lwGn9uQ/?utm_source=ig_web_copy_link
ସୋଶାଲ୍ ମିଡିଆରେ ସେମାନଙ୍କର ଏକ ଭିଡିଓ ଭାଇରାଲ୍ ହେଉଛି। ଏଥିରେ ଦୁହେଁ ଘର ପରିସରରେ ଏକାଠି ବୁଲୁଥିବା ଦେଖିବାକୁ ମିଳିଛି। ଏଥିରେ ରଣବୀରଙ୍କ ପୋଷା କୁକୁରକୁ ମଧ୍ୟ ଦେଖିବାକୁ ମିଳିଛି। ଏହା ବ୍ୟତୀତ ଆଲିଆ ନିଜ ଇଷ୍ଟାଗ୍ରାମରେ ଏକ ଫଟୋ ମଧ୍ୟ ଶେଆର୍ କରିଛନ୍ତି, ଯେଉଁଥିରେ ରଣବୀରଙ୍କ ଦୁଇ ପୋଷା କୁକୁରଙ୍କୁ ଦେଖିବାକୁ ମିଳିଛି। ଏସବୁ ଫଟୋ ଓ ଭିଡିଓରୁ ସ୍ପଷ୍ଟ ଜଣାପଡ଼ିଯାଉଛି ଯେ ଦୁହେଁ ଲକ୍ଡାଉନ୍ରେ ଏକାଠି ସମୟ ବିତାଉଛନ୍ତି।
https://www.instagram.com/p/B-RC7Z9Fk-Q/?utm_source=ig_web_copy_link
କେବଳ ରଣବୀର ଓ ଆଲିଆ ନୁହନ୍ତି, ଅନ୍ୟ ଚର୍ଚ୍ଚିତ କପଲ୍ ମଲାଇକା ଅରୋରା ଓ ଅର୍ଜୁନ କପୁର ମଧ୍ୟ ଏକାଠି ସମୟ ବିତାଉଛନ୍ତି। ଅନ୍ୟପଟେ ଏକ୍ସ କପଲ୍ ହ୍ରିତିକ୍ ରୋଶନ୍ ଓ ସୁଜାନ୍ ଖାନ୍ ମଧ୍ୟ ଏବେ ଏକାଠି ସମୟ ବିତାଉଛନ୍ତି। ଏ ଦୁହେଁ ନିଜ ପିଲାମାନଙ୍କ ସହ ଏକାଠି ସମୟ ବିତାଇବା ପାଇଁ ଏଭଳି ନିଷ୍ପତ୍ତି ନେଇଛନ୍ତି। ସୁଜାନ୍ ବର୍ତ୍ତମାନ୍ ହ୍ରିତିକଙ୍କ ଘରେ ରହୁଛନ୍ତି।
https://www.instagram.com/p/B-RT39dBOKu/?utm_source=ig_web_copy_link
ସୂଚନାଯୋଗ୍ୟ, ରଣବୀର ଓ ଆଲିଆ ବର୍ଷେ ହେଲାଣି ପରସ୍ପରକୁ ଡେଟ୍ କରୁଥିବା ଖବର ଚର୍ଚ୍ଚାରେ ରହିଛି। ଏହା ମଧ୍ୟ କୁହାଯାଉଛି ଯେ ଚଳିତବର୍ଷ ସେମାନଙ୍କ ବାହାଘର ବି ହୋଇପାରେ। ହେଲେ କିଛି ଦିନ ହେବ ସୋଶାଲ୍ ମିଡିଆରେ ଦୁହିଁଙ୍କ ବ୍ରେକ୍ ଅପ୍ ଖବର ଉଡ଼ି ବୁଲୁଥିଲା। ତେବେ ବର୍ତ୍ତମାନ ସାମ୍ନାକୁ ଆସିଥିବା ଭିଡିଓ ଦେଖିବା ପରେ ଏହା ସ୍ପଷ୍ଟ ହୋଇଯାଇଛି ଯେ ଏବେ ବି ସେମାନେ ଏକାଠି ଅଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
