‘କୌନ ମେରା, କୌନ ତେରା’ର ମ୍ୟୁଜିକ୍‌ ରିଲିଜ୍‌

ମୁମ୍ବାଇ:ଅପକମିଂ ବଲିଉଡ ଫିଲ୍ମ କୌନ ମେରା, କୌନ ତେରାର ସୁଟିଂ ପ୍ରାୟତଃ ଶେଷ ପର୍ଯ୍ୟାୟରେ। ଏଥିରେ ନବାଗତ  ଯୋଡ଼ି ଆକାଶ ଗହୱାର ଓ ପ୍ରିୟା  ଅଛନ୍ତି। ମୁମ୍ବାଇରେ ହୋଇଛି ଏହାର ମ୍ୟୁଜିକ୍‌ ରିଲିଜ୍‌।  ଏହି ଇଭେଣ୍ଟରେ ମୁଖ୍ୟ ଅତିଥି ହୋଇ ଆସିଥିଲେ ଗୋବିନ୍ଦା । କମେଡି ଫିଲ୍ମ କୌନ ମେରା କୌନ ତେରାର ଫାଷ୍ଟ୍ ଲୁକ୍ ବି ରିଲିଜ ହୋଇଛି । ଏହି  ଅବସରରେ  କ୍ୟାରିୟର ଆରମ୍ଭରେ ତାଙ୍କର ପୋଲିସ ଚରିତ୍ରକୁ ନେଇ ବେଶ୍ ଖୁସି ଅଛନ୍ତି ହିରୋ ଆକାଶ । ତେବେ ଆକାଶ  ହେଉଛନ୍ତି ଗୋବିନ୍ଦାଙ୍କ ସମ୍ପର୍କୀୟ ଭାଇ।   ଫିଲ୍ମର ନିର୍ଦ୍ଦେଶନା ଦେଇଛନ୍ତି ଆକାଶଙ୍କ ବାପା ଅର୍ଥାତ୍ ଗୋବିନ୍ଦାଙ୍କ ମାମୁଁ ଆର୍.ପି. ସିଂ । ତେଣୁ ଗୋବିନ୍ଦା ମଧ୍ୟ ଏହି ଫିଲ୍ମକୁ ନେଇ ଆଶାବାଦୀ ଅଛନ୍ତି  ।  ଦେଖାଯାଉ ଏହି କମେଡି ଫିଲ୍ମ ରିଲିଜ ହେବା ପରେ ଦର୍ଶକଙ୍କୁ କେତେ ହସର ଖୋରାକ୍ ଯୋଗାଉଛି।