ଏହି ଫିଲ୍ମରେ ଡେବ୍ୟୁ କରିପାରନ୍ତି ବିଶ୍ୱସୁନ୍ଦରୀ ମାନୁଷି 

ମୁମ୍ବାଇ: ୨୦୧୭ ନଭେମ୍ବର ୧୮ରେ  ‘ ମିସ୍ ୱାର୍ଲ୍ଡ’ ପ୍ରତିଯୋଗିତାରେ ଭାରତୀୟ ସୁନ୍ଦରୀ ମାନୁଷି ଚିଲ୍ଲର ବିଜୟ ମୁକୁଟ ପିନ୍ଧିଥିଲେ। ବିଶ୍ୱ ସୁନ୍ଦରୀର ତାଜ୍‌ ପିନ୍ଧିବା ପରେ ବଲିଉଡ୍‌ର ଅନେକ ହସ୍ତୀ ତାଙ୍କୁ ବଲିଉଡ୍‌ରେ ଏଣ୍ଟ୍ରି କରାଇବାକୁ ଚାହୁଁଥିଲେ। ସେହି ହସ୍ତୀ ମାନଙ୍କ ମଧ୍ୟରୁ ପ୍ରଥମେ ସଲମାନ ଖାନ୍‌ କହିଥିଲେ ‘ମାନୁଷିଙ୍କୁ ମୋ ଫିଲ୍ମରେ ନେବାକୁ ଚାହୁଁଛି।’

ଏବେ ଖବର ଆସିଛି ଫିଲ୍ମ  ନିର୍ମାତା କରଣ ଜୋହର ମାନୁଷିଙ୍କୁ ନିଜ ଫିଲ୍ମରେ ନେବାକୁ ଚାହୁଁଛନ୍ତି। କରଣ ଜୋହର ‘ଷ୍ଟୁଡେଣ୍ଟ ଅଫ୍‌ ଦ ଇଅର’ର ପାର୍ଟ ଟୁ କରିବାକୁ ଯାଉଛନ୍ତି। ସେଥିରେ ସେ ଟାଇଗର ଶ୍ରଫ୍‌ ଓ ଅନନ୍ୟା ପାଣ୍ଡେଙ୍କୁ ନେଇଛନ୍ତି। ସବୁବେଳେ ନୂଆ ଟ୍ୟାଲେଣ୍ଟଙ୍କୁ ସୁଯୋଗ ଦେଉଥିବା କରଣ ଏଥିରେ ମାନୁଷିକୁ ବି ନେବାକୁ ଚାହୁଁଛନ୍ତି। ଅନନ୍ୟା ଏହି ଫିଲ୍ମରୁ ବଲିଉଡ୍‌ରେ ଡେବ୍ୟୁ କରୁଛନ୍ତି। ତେବେ ଦେଖାଯାଉ ମାନୁଷି ଏଥିରେ ଅଭିନୟ କରୁଛନ୍ତି ନା ନାହିଁ। କାରଣ କିଛି ଦିନ ତଳେ ସେ କହିଥିଲେ ଯେ ଏବେ ବଲିଉଡ୍‌ରେ ଏଣ୍ଟ୍ରିକରିବାକୁ ତାଙ୍କର ଇଛା ନାହିଁ।