ରାଗିଗଲେ ପ୍ରିୟା: କହିଲେ-ଫିଙ୍ଗାଯାଇଥିବା ଜିନିଷ ଉଠାଏନି

ନୂଆଦିଲ୍ଲୀ: ଆପଣଙ୍କର ମନେଅଛି ସେ ୨୬ ସେକେଣ୍ଡର ଭିଡିଓ? ଯେଉଁଥିରେ ଆଖିମାରି ପ୍ରିୟା ପ୍ରକାଶ ରାତାରାତି ଷ୍ଟାର ପାଲଟି ଯାଇଥିଲେ। ସୋସିଆଲ୍‌ ମିଡିଆରେ ତାଙ୍କର ଏହି ଭିଡିଓ ଭାଇରାଲ ହୋଇଥିଲା। ଏଥିରେ ପ୍ରିୟା ଯେମିତି ଆଖି ମାରିଥିଲେ ତାକୁ ଦେଖି କିଛି ପୁଅ ତାଙ୍କ ଦିୱାନା ପାଲଟି ଥିବାବେଳେ, କେତେକ ଝିଅ ତାଙ୍କର ଏହି ଆଖିଠାରକୁ କପି କରିଥିଲେ। ବଲିଉଡ୍‌ ଯାଏଁ ବ୍ୟାପିଯାଇଥିଲା ପ୍ରିୟାଙ୍କ ଏହି ଆଖିଠାର।

ଘଟଣାକୁ ବିତିଲାଣି ୨ମାସ, ଏବେ କିଛି ଦିନ ହେବ ପ୍ରିୟାଙ୍କର କିଛି ଖୋଜ ଖବର ନ ଥିଲା। କିଛି ପ୍ରଶଂସକ ଆଜିବି ପ୍ରିୟାଙ୍କୁ ଖୋଜୁଥିବେ। ଏପରି ସମୟରେ ପ୍ରିୟାଙ୍କର ଆଉ ଏକ ଭିଡିଓ ଆସିଛି।

ଭିଡିଓଟି ମଞ୍ଚ ଚକୋଲେଟ୍‌ର ବିଜ୍ଞାପନ। ଏଥିରେ ପ୍ରିୟା ପଡିଆରେ ବସି ଚକୋଲେଟ୍‌ ଖାଉଛନ୍ତି। ପାଖରେ ପିଲାମାନେ କ୍ରିକେଟ୍‌ ଖେଳୁଛନ୍ତି। ବଲ୍‌ଟି ଯାଇ ପ୍ରିୟାଙ୍କ ପାଖରେ ପଡୁଛି। ବଲ୍‌ ଉଠାଇବାକୁ କହିବାରୁ ପ୍ରିୟା କହୁଛନ୍ତି ‘ମେଁ ଫେକି ହୁଇ ଚିଜେଁ ନେହିଁ ଉଠାତି।’ ୱା କି ଅଦା ତାଙ୍କର। ହେଲେ ଦେଖାଯାଉ, ଏ ଅଦାର ଜଲୱା କେତେ ଦିନ ରହୁଛି। (ଦେଖନ୍ତୁ ଭିଡିଓ)