ମୁମ୍ବାଇ: ବଲିଉଡ୍ର ବର୍ଷିଆନ୍ ଅଭିନେତା ଟମ୍ ଅଲଟରଙ୍କ ପରଲୋକ। ବହୁ ଦିନ ହେଲା ସେ କର୍କଟ ରୋଗରେ ପୀଡ଼ିତ ଥିଲେ। ମୁମ୍ବାଇରେ ଚିକିତ୍ସାଧୀନ ଅବସ୍ଥାରେ ଏହି ୬୭ ବର୍ଷ ବୟସ୍କ ଅଭିନେତାଙ୍କ ପରଲୋକ ହୋଇଛି। ଟମ୍ ଅଲଟର ୩ ଶହରୁ ଅଧିକ ଫିଲ୍ମରେ ଅଭିନୟ କରିଛନ୍ତି । ସେ ଏକାଧାରରେ ଅଭିନେତା, ଲେଖକ, ନିର୍ଦ୍ଦେଶକ ଥିଲେ । ଥିଏଟରରେ ମଧ୍ୟ ତାଙ୍କର ଅବଦାନ ଅଛି।
ଉଭୟ ବଡ଼ ଓ ଛୋଟ ପରଦାରେ ସେ ଅଭିନୟ କରିଛନ୍ତି। ସତରଂଜ କେ ଖିଲାଡ଼ି, ଗାନ୍ଧି, ପରିନ୍ଦା, ସରଦାର, ଜୁନୁନ, ରାମ ତେରି ଗଙ୍ଗା ମୈଲି ପରି ଫିଲ୍ମରେ ସେ ଅଭିନୟ କରିଛନ୍ତି । ଛୋଟ ପରଦାର ଭାରତ ଏକ୍ ଖୋଜ୍ ଓ ଶକ୍ତିମାନ ସିରିଏଲରେ ବି ସେ ଅଭିନୟ କରିଛନ୍ତି। ପ୍ରଥମେ କ୍ରୀଡ଼ା ସାମ୍ବାଦିକ ଭାବେ ସେ କ୍ୟାରିଅର ଆରମ୍ଭ କରିଥିଲେ। ୨୦୦୮ରେ ତାଙ୍କୁ ପଦ୍ମଶ୍ରୀ ସମ୍ମାନ ଦିଆଯାଇଥିଲା । ୧୯୫୦ ଜୁନ୍ ୨୨ରେ ଉତ୍ତରପ୍ରଦେଶ(ଆଜିର ଉତ୍ତରାଖଣ୍ଡ)ର ମସୁରୀରେ ଜନ୍ମଗ୍ରହଣ କରିଥିଲେ ଟମ୍ । ଜଣେ ଆମେରିକା ଖ୍ରୀଷ୍ଟିୟାନ୍ଙ୍କ ପୁଅ ହେଉଛନ୍ତି ଟମ୍।
ଫଟୋ: ବାମରୁ ଟମ୍ ଅଲଟର
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
