କିଏ ଅର୍ଜୁନଙ୍କ ନୂଆ ଗାର୍ଲଫ୍ରେଣ୍ଡ? ନିଜେ କଲେ ଖୁଲାସା

ମୁମ୍ବାଇ: ବଡ଼ ବାପର ପୁଅ ତଥା ଅଭିନେତା ଅର୍ଜୁନ କପୁର ଅଭିନୟ ଅପେକ୍ଷା ଅନ୍ୟ ସବୁ କଥାକୁ ନେଇ ଅଧିକ ଚର୍ଚ୍ଚାରେ ଥାଆନ୍ତି। କେବେ କୋଉ ଝିଅକୁ ସେ ଡେଟ୍‌ କରନ୍ତି, ସେହି କଥା ବେଶି ଶୁଣିବାକୁ ମିଳେ। ସେହିଭଳି କେବେ ସେ ନିଜର ସାବତ ମା’ ଶ୍ରୀଦେବୀଙ୍କ ସହ ଝଗଡ଼ା କରି ତ କେବେ ନିଜଠୁ ବଡ଼ ଝିଅମାନଙ୍କ ସହ ଡେଟ୍ କରି ଚର୍ଚ୍ଚାରେ ରହନ୍ତି।

ଅରବାଜ ଖାନଙ୍କଠାରୁ ଅଲଗା ହୋଇଥିବା ମଲାଇକାଙ୍କ ହାତଧରି ଅର୍ଜୁନ ବୁଲୁଥିବା ମଧ୍ୟ ଦେଖିବାକୁ ମିଳିଥିଲା। ତେବେ ମିଡ଼ିଆ ଖବର ମୁତାବକ ଏବେ ଆଉ ଦୁହିଁଙ୍କ ମଧ୍ୟରେ ମଧୁର ସଂପର୍କ ଥିବାଭଳି ଲାଗୁନାହିଁ। ଏବେ ଅର୍ଜ୍ଜୁନ ଆଉ ଜଣେ ଝିଅର ହାତ ଧରିଛନ୍ତି। ସେ ନିଜେ ଏକଥା କହିଛନ୍ତି। ଅବଶ୍ୟ ସେ ଏକଥା ମିଡ଼ିଆକୁ କଟାକ୍ଷ କରି ଏକଥା କହିଛନ୍ତି।

malaika
ମଲାଇକାଙ୍କ ସହ ଅର୍ଜୁନ

ସେ କହିଛନ୍ତି ଯେ ଏବେ ତାଙ୍କ ନାମକୁ ପିରିଣୀତି ଚୋପ୍ରାଙ୍କ ସହ ଯୋଡ଼ାଯିବ। କାରଣ ତାଙ୍କ ଆଗାମୀ ଫିଲ୍ମରେ ପରିଣୀତି ଅଛନ୍ତି। ତେଣୁ ତାଙ୍କ ସହ ସେ ଅଧିକ ସମୟ ବିତାଇବେ। ଆଉ ପରିଣୀତିଙ୍କ ସହ ତାଙ୍କ ନାଁ ଯୋଡ଼ିବାକୁ ମିଡ଼ିଆକୁ ସୁଯୋଗ ମିଳିଯିବ।