ଭୁବନେଶ୍ୱର(ଓଡ଼ିଶା ରିପୋର୍ଟର୍): ଅନିୟମିତ ଜୀବନଚର୍ଯ୍ୟା ଓ ଖାଦ୍ୟଶୈଳୀ ଯୋଗୁ ଅଧିକାଂଶ ଲୋକ ଏବେ ବିଭିନ୍ନ ସ୍ୱାସ୍ଥ୍ୟ ସମସ୍ୟାରେ ପଡ଼ୁଛନ୍ତି। ଏଭଳି ଏକ ସ୍ୱାସ୍ଥ୍ୟ ସମସ୍ୟା ହେଉଛି ଆସିଡିଟି। ଆସିଡିଟି ବା ଅଜୀର୍ଣ୍ଣ ସମସ୍ୟା ଦେଖାଦେଲେ, ସାଧାରଣତଃ ପେଟ ଓ ଛାତିରେ ଜଳାପୋଡ଼ା ସହ ବାରମ୍ବାର ଆମ୍ୱିଳା ହାକୁଟି ହୋଇଥାଏ।
ଖାଇବା ପିଇବାରେ ଅନିୟମିତତା ସାଙ୍ଗକୁ ଅନୁଚିତ ଖାଦ୍ୟାଭ୍ୟାସ ଏହାର ପ୍ରମୁଖ କାରଣ। ଆସିଡିଟି ବା ଅଜୀର୍ଣ୍ଣରୁ ରକ୍ଷା ପାଇବା ପାଇଁ ବାରମ୍ବାର ଔଷଧ ଖାଇବା ଦ୍ୱାରା ଅଧିକାଂଶଙ୍କ ଶରୀରରେ ଏହାର ପାର୍ଶ୍ୱ ପ୍ରତିକ୍ରିୟା ମଧ୍ୟ ଦେଖାଯାଏ, ଯାହା ସ୍ୱାସ୍ଥ୍ୟାବସ୍ଥାକୁ ଜଟିଳ କରି ଦିଏ।
ତେଣୁ ଆଜି ଆମେ ଆପଣଙ୍କୁ ଆସିଡିଟି ବା ଅଜୀର୍ଣ୍ଣରୁ ମୁକ୍ତି ପାଇବା ପାଇଁ କିଛି ଘରୋଇ ଉପଚାର ସମ୍ପର୍କରେ କହିବୁ।
୨. ଦିନରେ ଯଥେଷ୍ଟ ପାଣି ପିଇବା ଉଚିତ୍। ଦିନକୁ ଅନ୍ତତଃ ପକ୍ଷେ ୮ ରୁ ୯ ଗ୍ଲାସ୍ ପାଣି ପିଇବା ଆବଶ୍ୟକ।
୩. ଅତ୍ୟଧିକ ତେଲ ଓ ମସଲାଯୁକ୍ତ ଖାଦ୍ୟ ଖାଆନ୍ତୁ ନାହିଁ।
ଆସିଡିଟି ହୋଇଗଲେ, କ’ଣ କରିବେ ?
୧. ଥଣ୍ଡା କ୍ଷୀର ଆସିଡିଟି ସମସ୍ୟା ଦୂର କରିଥାଏ। ଆସିଡିଟି ହେଲେ ପେଟରେ ହେଉଥିବା ଜଳାପୋଡ଼ା ଏହି ଥଣ୍ଡା କ୍ଷୀର ପିଇବା ଦ୍ୱାରା କମିଯାଏ।
୩. ବଦହଜମୀ ହୋଇଥିଲେ, ଗୋଟେ ଚାମଚ ବେକିଂ ସୋଡ଼ାକୁ ଅଧ ଗ୍ଲାସ ପାଣିରେ ଗୋଳାଇ ପିଅନ୍ତୁ। ଦେଖିବେ, ଏହା ତୁରନ୍ତ ହଜମ କରାଇବାରେ ସାହାଯ୍ୟ କରିବ।
୫. ଏକ ଚାମଚ ଧନିଆ ଗୁଣ୍ଡ ଏକ ଗ୍ଲାସ ବଟର୍ ମିଲକ୍ରେ ଗୋଳାଇ ପିଇଲେ, ତୁରନ୍ତ ବଦହଜମୀ ସମସ୍ୟା ଦୂର ହୋଇଥାଏ।