ଭୁବନେଶ୍ୱର (ଓଡ଼ିଶା ରିପୋର୍ଟର): ମୁଣ୍ଡ କୁଣ୍ଡାଇ ହେଲେ କୌଣସି କାମରେ ମନ ଲାଗେ ନାହିଁ। ବର୍ଷାଦିନେ ଏହି ସମସ୍ୟା ଅଧିକ ଦେଖା ଯାଇଥାଏ। ମୁଣ୍ଡ କୁଣ୍ଡାଇ ହେବାର ଅନେକ କାରଣ ରହିଛି। ସେଥିରୁ ଗୋଟିଏ ହେଉଛି, କେଶ ମୂଳ ଶୁଖିଯିବା।
ଯଦି ଆପଣଙ୍କ କେଶର ମୂଳ ଶୁଖୁଛି ଏବଂ ଆପଣ ଚିକିତ୍ସା କରୁନାହାନ୍ତି, ତେବେ କେଶ କୁଣ୍ଡାଇ ହେବା ସହିତ ରୁପି ସମସ୍ୟା ମଧ୍ୟ ଦେଖା ଦେବ। ଏହି ରୁପିର ଚିକିତ୍ସା ନ କରାଗଲେ ମାଇକ୍ରୋବାୟଲ୍ ଇନ୍ଫେକ୍ସନ୍ ହୋଇଥାଏ। ଏଥିପାଇଁ କେଶ ମୂଳକୁ କେବେ ଶୁଖିବାକୁ ଦିଅନ୍ତୁ ନାହିଁ।
ଏଥିପାଇଁ ଆମେ ଆପଣଙ୍କୁ କିଛି ଘରୋଇ ଉପାୟ କହିବୁ, ଯାହାକୁ ପ୍ରୟୋଗ କରି ଆପଣ ମୁଣ୍ଡ କୁଣ୍ଡାଇ ହେବା ସମସ୍ୟାରୁ ରକ୍ଷା ପାଇପାରିବେ।
ଲେମ୍ୱୁ ଏବଂ ମହୁ: ଲେମ୍ୱୁରେ ଆଣ୍ଟି ବ୍ୟାକ୍ଟେରିଆଲ୍, ଆଣ୍ଟିଫଙ୍ଗଲ୍ର ଗୁଣ ରହିଛି। ମହୁରେ ଲେମ୍ୱୁ ରସ ମିଶାଇ କେଶ ମୂଳରେ ମାଲିସ୍ କରନ୍ତୁ। ୧୫ମିନିଟ୍ ପରେ ଏହାକୁ ଧୋଇ ଦିଅନ୍ତୁ। ଏପରି କଲେ କେଶ ମୂଳ କୁଣ୍ଡାଇ ହେବା ଏବଂ ରୁପି ସମସ୍ୟା ଦୂର ହେବ।
ଟି ଟ୍ରି ଅଏଲ୍: ସୌନ୍ଦର୍ଯ୍ୟ ବଢ଼ାଇବା ପାଇଁ ଲୋକ ଏହାକୁ ବ୍ୟବହାର କରିଥା'ନ୍ତି। ଏଥିରେ ଟର୍ପିନ୍ସ ନାମକ ପଦାର୍ଥ ରହିଛି, ଯେଉଁଥିରେ ଆଣ୍ଟି-ବ୍ୟାକ୍ଟେରିଆଲ୍ ଏବଂ ଆଣ୍ଟିଫଙ୍ଗଲ୍ ଗୁଣ ରହିଛି। ଏହାକୁ ବ୍ୟବହାର କଲେ କେଶର ମୂଳ ନରମ ହୋଇଥାଏ। ୨ ଚାମଚ ଟି ଟ୍ରି ଅଏଲ୍ରେ ଗୋଟିଏ ଚାମଚ ଅଲିଭ୍ ଅଏଲ୍ ମିଶାନ୍ତୁ। ଏହି ମିଶ୍ରଣକୁ ତୁଳା ସାହାଯ୍ୟରେ କେଶ ମୂଳରେ ଲଗାନ୍ତୁ। ଗୋଟିଏ ସପ୍ତାହ ପରେ ଏହାର ପରିଣାମ ଦେଖନ୍ତୁ।
ଆପଲ୍ ଭିନେଗାର୍: ଏହା ସେଓରୁ ତିଆରି ଏକ ଭିନେଗାର୍। ବେଳେ ବେଳେ କେଶ ମୂଳରୁ ଦୁର୍ଗନ୍ଧ ଆସିଥାଏ। ଏହାକୁ ସଫା କରିବାକୁ ଏହି ଭିନେଗାର୍କୁ ବ୍ୟବହାର କରାଯାଇଥାଏ। ତିନି ତୃତୀୟାଶଂ ପାଣି ସହିତ ଏକ ତୃତୀୟାଶଂ ଆପଲ୍ ଭିନେଗାର୍ ମିଶାଇ କେଶ ମୂଳରେ ଲଗାନ୍ତୁ। ଏହା ଦ୍ୱାରା କେଶ ମୂଳ କୁଣ୍ଡାଇ ହେବା ବନ୍ଦ ହୋଇଯିବ।
………