ନୂଆଦିଲ୍ଲୀ: ଆଜି ବିଶ୍ୱ କ୍ୟାନ୍ସର ଦିବସ। ଲୋକମାନଙ୍କ ମଧ୍ୟରେ ସଚେତନତା ସୃଷ୍ଟି କରିବା ପାଇଁ ପ୍ରତିବର୍ଷ ଫେବୃଆରୀ ୪ ତାରିଖକୁ କ୍ୟାନ୍ସର ଦିବସ ଭାବେ ବିଶ୍ୱବ୍ୟାପୀ ପାଳନ କରାଯାଇଥାଏ। କ୍ୟାନ୍ସର ବା କର୍କଟ ରୋଗ ଏକ ମାରାତ୍ମକ ରୋଗ। ପ୍ରାରମ୍ଭିକ ସ୍ଥିତିରେ ଏହାର ନିରାକରଣ ସମ୍ଭବପର ହୋଇଥିଲେ ମଧ୍ୟ ରୋଗ ବଢିଗଲେ ଏହାର ନିଦାନ ଅନେକ କ୍ଷେତ୍ରରେ ସମ୍ଭବ ହୋଇ ନ ଥାଏ ଓ ପୀଡିତ ମୃତ୍ୟୁ ବରଣ କରିଥାଏ।
କ୍ୟାନସର୍ ବିଭିନ୍ନ ପ୍ରକାରର ରହିଛି। କ୍ୟାନସର୍ ଶରୀରର ଯେ କୌଣସି ଭାଗରେ ହୋଇପାରେ। ତେବେ ଆସନ୍ତୁ ଆମେ ଆଜି ଓଠ କ୍ୟାନ୍ସର ବିଷୟରେ ଜାଣିବା।
- ଏହି ରୋଗରେ ପୀଡ଼ିତ ବ୍ୟକ୍ତିଙ୍କର ଖାଇବା ପିଇବାରେ ସମସ୍ୟା ଦେଖା ଯାଇଥାଏ
- ରୋଗ ବଢିଲେ ଦାନ୍ତ ଢିଲା ହେବାକୁ ଲାଗିଥାଏ
- ଓଠରେ ଦରଜ ଏବଂ ଯନ୍ତ୍ରଣା ଅନୁଭବ ହୁଏ
- ଓଠରୁ ରକ୍ତ ବାହାରିଥାଏ
- ଓଠ ଲାଲ୍ ପଡ଼ିବା ସହ ଚର୍ମ ଛାଡ଼ିବା ଆରମ୍ଭ କରେ
- ଗଳା ଏବଂ ମୁହଁ ଦରଜ ହୁଏ
- କଣ୍ଠସ୍ୱର ପରିବର୍ତ୍ତନ ହୁଏ
- ତମାଖୁ, ସିଗାରେଟ୍ ଏବଂ ଗୁଟ୍ଖା ଖାଉଥିବା ଲୋକେ ଏହି ରୋଗରେ ପୀଡିତ ହେବାର ଆଶଙ୍କା ଅଧିକ।
- ଓରାଲ୍ ସେକ୍ସ ଦ୍ୱାରା ମଧ୍ୟ ଓଠ କ୍ୟାନସର୍ ହେବାର ଆଶଙ୍କା ଅଧିକ ରହିଥାଏ।
- ସୂର୍ଯ୍ୟ କିରଣରେ ଅଧିକ ସମୟ ରହିଲେ ମଧ୍ୟ ଓଠ କ୍ୟାନସର୍ ହେବାର ଆଶଙ୍କା ଥାଏ।
ନିରାକରଣ
- ମଦ୍ୟପାନ କରୁଥିଲେ ଏହାକୁ ଧୀରେ ଧୀରେ କମାଇବାକୁ ଚଷ୍ଟା କରନ୍ତୁ
- ଗୁଟ୍ଖା, ସିଗାରେଟ୍ ଆଦିର ସେବନ କରନ୍ତୁ ନାହିଁ
- ଯଥାସମ୍ଭବ ନିଜ ଖାଦ୍ୟରେ ପନିପରିବା ଓ ଫଳମୂଳକୁ ସାମିଲ କରନ୍ତୁ