ଭୁବନେଶ୍ୱର(ଓଡ଼ିଶା ରିପୋର୍ଟର୍): ଶୀତ ଦିନେ ଅତ୍ୟଧିକ ଥଣ୍ଡା ହେତୁ ତ୍ୱଚାରେ ବିଭିନ୍ନ ସମସ୍ୟା ସୃଷ୍ଟି ହୁଏ। ସାଧାରଣତଃ ଶୀତି ଦିନେ ତ୍ୱଚା ରୁକ୍ଷ ହେବା, ଫାଟିବା ଓ ଏଥିରେ ମଇଳା ଜମିବା ଆଦି ଦେଖାଦିଏ। ଏସବୁରୁ ମୁକ୍ତି ପାଇଁ ଏବଂ ଏକ ସୁନ୍ଦର, କୋମଳ ଓ ଚିକ୍କଣ ଚେହେରା ପାଇଁ ଅଧିକାଂଶ ଲୋକେ ନାନା ପ୍ରକାରର କସ୍ମେଟିକ୍ସ ପ୍ରଡକ୍ଟ ବ୍ୟବହାର କରନ୍ତି। ହେଲେ କସ୍ମେଟିକ୍ସରେ କେମିକାଲ୍ ମିଶୁଥିବାରୁ ଏହା ଆପଣଙ୍କ ତ୍ୱଚାକୁ ଠିକ୍ କରିବା ପରିବର୍ତ୍ତେ ଆହୁରି ବିଗାଡ଼ି ଦିଏ। କିନ୍ତୁ ଘରୋଇ ଉପାୟରେ କେମିତି ଶୀତି ଦିନେ ତ୍ୱଚାର ଯତ୍ନ ନେଇ ହେବ, ଆଜି ଆମେ ଆପଣଙ୍କୁ ସେ ବିଷୟରେ ବତାଇବୁ।
୧. ଶୀତ ଦିନେ ସାଧାରଣତଃ ତ୍ୱଚା ଶୁଷ୍କ ହୋଇ ଝାଉଁଳି ପଡ଼ିଥାଏ। ଏଥିପାଇଁ ପ୍ରଥମେ ୨ବୁନ୍ଦା ମହୁ, ୧ ଚାମଚ ଅଟା ଓ ୧ ଚାମଚ କ୍ଷୀରକୁ ମିଶାଇ ଏକ ପେଷ୍ଟ ବନାନ୍ତୁ । ଏହାକୁ ମୁହଁ ଓ ବେକରେ ଲଗାଇ ଶୁଖିଗଲେ ଧୋଇ ଦିଅନ୍ତୁ। ସପ୍ତାହକୁ ଅତି କମ୍ରେ ୨ଥର ଏପରି କରନ୍ତୁ । ଦେଖିବେ ଆପଣଙ୍କ ତ୍ୱଚାରୁ ଶୁଷ୍କପଣ ଦୂର ହୋଇ ଏହା ଉଜ୍ଜ୍ୱଳ ଦିଶିବ।
୩. ଚାଉଳ ଗୁଣ୍ଡ ଓ ଲୁଣକୁ ଏକାଠି ଗୋଳାଇ ସେଥିରେ ଅଳ୍ପ ଗୋଲାପ ଜଳ ମିଶାନ୍ତୁ । ଏହାକୁ ମୁହଁରେ ଘଷି ଘଷି ଲଗାନ୍ତୁ। କିଛି ସମୟ ପରେ ଥଣ୍ଡା ପାଣିରେ ଧୋଇ ଦିଅନ୍ତୁ । ଦେଖିବେ, ବ୍ଲାକ୍ ହେଡ୍ସ ସମସ୍ୟା କମିଯିବ।
୫. ଅଳ୍ପ କମଳାରସରେ ଅଳ୍ପ ଚନ୍ଦନ ପାଉଡ଼ର ଓ କଞ୍ଚା ହଳଦୀକୁ ବାଟି ମୁହଁରେ ଲଗାନ୍ତୁ। ୧୦ ମିନିଟ୍ ପରେ ମୁହଁ ଭଲ ଭାବେ ଧୋଇ ଦିଅନ୍ତୁ। ମୁହଁ ସତେଜ ଦେଖାଯିବ।
୭. ଶୀତଦିନେ ମୁହଁ ସହ ସମ୍ପୁର୍ଣ୍ଣ ଶରୀରର ତ୍ୱଚା ରୁକ୍ଷ ହୋଇଯାଏ। ତେଣୁ ଗାଧୋଇଲା ସମୟରେ ପାଣିରେ ଲେମ୍ବୁ ପତ୍ର, ପୋଦିନା ପତ୍ର, ତେଜ ପତ୍ର ଓ ତୁଳସୀ ପତ୍ରକୁ ସମାନ ପରିମାଣର ନେଇ ଏକ କପଡ଼ାରେ ବାନ୍ଧି ପାଣିରେ ପକାଇ, ସେହି ପାଣିରେ ଗାଧୁଆନ୍ତୁ। ଦେଖିବେ ତ୍ୱଚା କୋମଳ ହୋଇଯିବ।