ଆବଶ୍ୟକ ଉପକରଣ ; ଛଚିନ୍ଦ୍ରା, କର୍ଣ୍ଣଫ୍ଲୋର, ଲଙ୍କା ଗୁଣ୍ଡ, ହଳଦୀ ଗୁଣ୍ଡ, ଜୀରା ଗୁଣ୍ଡ ଓ ସ୍ୱାଦ ଅନୁସାରେ ଲୁଣ, ଅଣ୍ଡା, ଫୁଟଣ, ଶୁଖିଲା ଲଙ୍କା, ରସୁଣ, ପିଆଜ, ଆଳୁ, ପୋଇ ଶାଗ, ତେଲ
ଭୁବନେଶ୍ୱର(ଓଡ଼ିଶା ରିପୋର୍ଟର): ପ୍ରଥମେ ଛଚିନ୍ଦ୍ରାକୁ ୨ ଫାଳ କରି ତାହାର ସମସ୍ତ ମଞ୍ଜି ବାହାର କରି ଦିଅନ୍ତୁ। ଏହାପରେ ତାକୁ ଅଳ୍ପ ସିଝାଇ ଦିଅନ୍ତୁ। ଏକ ପାତ୍ରରେ ଅଣ୍ଡାକୁ ଭାଙ୍ଗି ସେଥିରେ କର୍ଣ୍ଣଫ୍ଲୋର, ଲଙ୍କା ଗୁଣ୍ଡ, ହଳଦୀ ଗୁଣ୍ଡ, ଜୀରା ଗୁଣ୍ଡ ଓ ସ୍ୱାଦ ଅନୁସାରେ ଲୁଣ ପକାଇ ଭଲ ଭାବେ ଫେଣ୍ଟି ଦିଅନ୍ତୁ।
ଶାଗ ପୁର ତିଆରି କରିବା ପାଇଁ କରେଇରେ ତେଲ ଗରମ କରି ଫୁଟଣ, ଶୁଖିଲା ଲଙ୍କା, ରସୁଣ ଛେଚା, କଟା ପିଆଜ, କଟା ଆଳୁ ଓ ସ୍ୱାଦ ଅନୁସାରେ ଲୁଣ ପକାଇ ଗୋଳାଇ ଦିଅନ୍ତୁ। ପୋଇ ଶାଗ ହୋଇଯିବା ପରେ ତାକୁ ସିଝା ଛଚିନ୍ଦ୍ରା ମଧ୍ୟରେ ପୁର ଆକାରରେ ଦିଅନ୍ତୁ।
ଏହାପରେ କରେଇରେ ତେଲ ଗରମ କରି ଶାଗ ପୁରଦିଆ ଛଚିନ୍ଦ୍ରାକୁ ପ୍ରସ୍ତୁତ ଅଣ୍ଡାରେ ଫେଣ୍ଟାରେ ବୁଡ଼ାଇ ଛାଣନ୍ତୁ। ଏବେ ପ୍ରସ୍ତୁତ ହୋଇଗଲା ଶାଗପୁର ଛଚିନ୍ଦ୍ରା ଷ୍ଟିକ୍।