ପାଠ ପଢ଼ା ପରେ କେହି କେହି ଚାକିରି କରନ୍ତି ତ ଆଉ କେହି ଚାକିରି ଦିଅନ୍ତି। କିଏ ସରକାରୀ ଚାକିରି କରେ ତ ଆଉ କିଏ ବେସରକାରୀ। ବେସରକାରୀ ଚାକିରିରେ ସଦାବେଳେ ଖଟାମିଠା ଅନୁଭୂତି ମିଳେ। ଗ୍ରୁପିଜମ୍, ଫୁସୁରୁଫାସର୍, ଟୁପୁର୍ଟାପର୍ ଠୁ ଆରମ୍ଭ କରି କିଏ କାହା ବିରୋଧରେ କହିଲାଣି ତ ଆଉ କିଏ ବସ୍ଙ୍କୁ ଖୁସି କରିବାକୁ ଚାହିଁଲାଣି। ତେବେ ଚାଲନ୍ତୁ ପଢ଼ିବା ବସ୍ଙ୍କୁ ଖୁସି କରିବାର କେତୋଟି ଭଲ ପ୍ରୟାସ ଆଉ କେତୋଟି ମନ୍ଦ ପ୍ରୟାସ:
ଭଲ ପ୍ରୟାସ
୧- ବସ୍ ସଦାବେଳେ ଚାହାଁନ୍ତି, ନିଜ କମ୍ପାନୀ ଭଲରେ ଚାଲୁ, ଅଭିବୃଦ୍ଧି ହାସଲ କରୁ। ପ୍ରତିଯୋଗୀଙ୍କ ଠାରୁ ଦୁଇ ପାଦ ଆଗରେ ରହୁ। ବସ୍ଙ୍କ ଏହି ପ୍ରୟାସରେ ନିଜକୁ ସାମିଲ କରନ୍ତୁ।
୨- ସମସ୍ତଙ୍କ ପରି ଚିରାଚରିତ ଢଙ୍ଗରେ କାର୍ଯ୍ୟ ନକରି ନିଜର ସ୍ୱତନ୍ତ୍ର ଶୈଳୀ ସୃଷ୍ଟି କରନ୍ତୁ। ଯାହା ଫଳରେ କି ଆପଣ ବାରି ହୋଇପଡ଼ିବେ।
୩- ଗୁଣାତ୍ମକ (କ୍ୱାଲିଟିଟିଭ୍) କାର୍ଯ୍ୟ କରନ୍ତୁ। କମ୍ପାନୀ ପାଇଁ ଏକ ଲାଇବିଲିଟି(ବୋଝ) ନ ହୋଇ ଏକ ଆସେଟ୍ (ସମ୍ପତ୍ତି) ହୁଅନ୍ତୁ।
୪- ଦିନକୁ ଦିନ ନିଜ କ୍ଷମତା ଅନୁସାରେ ଅଧିକ ଦାୟିତ୍ୱ ଗ୍ରହଣ କରନ୍ତୁ।
୫- କୌଣସି ସମୟରେ ସମସ୍ୟା ଉପୁଜିଲେ ଏହାର ସମାଧାନ ବାଟ ଦେଖାଇ ପାରିଲେ ଭଲ।
ମନ୍ଦ ପ୍ରୟାସ- (ଭୁଲ୍ରେ ଏଭଳି କରନ୍ତୁନି)
୧- ପାଞ୍ଚ ଟଙ୍କାର କାମ କରି ପଚାଶ ଟଙ୍କାର ଦେଖେଇ ହେଲେ କିଛି ଲାଭ ନାହିଁ।
୨- ବସ୍ଙ୍କୁ ଖୁସି କରିବା ପାଇଁ ତାଙ୍କର ଅଯଥା ଗୁଣଗାନ କରିବା।
୩- ଅନ୍ୟ କର୍ମଚାରୀଙ୍କ ବିରୋଧରେ ତାଙ୍କ ଆଗରେ ଗପିବା।
୪- କାମ ନକରି କେବଳ ଶୀଘ୍ର ଅଫିସ୍ ଆସିବା ଏବଂ ଡେରିରେ ଅଫିସ୍ରୁ ଫେରିବା।
୫- ଉପରେ ପଡ଼ି ନିଜ ଆଡ଼ୁ ସବୁ କଥାରେ ମୁଣ୍ଡ ପୁରାଇବା।