କାବୁଲ: ମଙ୍ଗଳବାର ପୁଣିଥରେ ଆଫଗାନିସ୍ତାନ ଅଶାନ୍ତ ହୋଇଛି। ବାମିଆନ ସହରରେ ବୋମା ମାଡ଼ ହୋଇଥିବା ଜଣାପଡ଼ିଛି। ଏଥିରେ ଅତି କମରେ ୧୭ ଜଣଙ୍କର ମୃତ୍ୟୁ ହୋଇଥିବା ସୂଚନା ରହିଛି। ଖବର ସରବରାହ ସଂସ୍ଥା ଟୋଲୋ ନ୍ୟୁଜ୍ ଅନୁଯାୟୀ, ଏହି ବୋମା ବିସ୍ଫୋରଣରେ ୫୦ରୁ ଅଧିକ ଗୁରୁତର ହୋଇଛନ୍ତି। ବମିଆନ ସହରର ଏକ ବଜାରରେ ଏହି ବିସ୍ଫୋରଣ ଘଟିଛି। ଏଯାବତ କୌଣସି ଆତଙ୍କୀ ସଂଗଠନ ଏହି ବିସ୍ପୋରଣ ପାଇଁ ଦାୟୀ କରି ନାହାନ୍ତି।
17 dead, at least 50 injured in blasts in Bamiyan city of Afghanistan, reports TOLONews quoting sources
— ANI (@ANI) November 24, 2020
ଏହାପୂର୍ବରୁ ୨୧ ତାରିଖ ଦିନ ଆଫଗାନିସ୍ତାନର ରାଜଧାନୀ କାବୁଲରେ ରକେଟ୍ ମାଡ଼ ହୋଇଥିଲା। ରକେଟ୍ ମାଡ଼ ପରେ ଦୁଇଟି ବୋମା ବିସ୍ପୋରଣ ମଧ୍ୟ ହୋଇଥିଲା। ସେପ୍ଟେମ୍ୱରରେ ତାଲିବାନ ଏବଂ ଆଫଗାନ ସରକାର ମଧ୍ୟରେ ଶାନ୍ତି ଚୁକ୍ତି ପାଇଁ ବାର୍ତ୍ତା ହୋଇଥିଲା। ହେଲେ ଏହାପରେ ଆଲୋଚନାରେ ସେତେଟା ଅଗ୍ରଗତି ଦେଖାଯାଇନି।
କାବୁଲ ପ୍ରଶାସନ ଏ ନେଇ କହିଥିଲା, ତାଲିବାନ ମୁହଁରେ ଶାନ୍ତି ବାବଦରେ କଥା ହେଉଛି ହେଲେ ଆକ୍ରମଣ ପଛରେ ସେ ହିଁ ଦାୟୀ। ତେବେ କାବୁଲ ପୁଲିସ ଆକ୍ରମଣକାରୀ ବାବଦରେ କୌଣସି ମତ ରଖିନି। ସେହିପରି କୌଣସି ଆତଙ୍କୀ ସଂଗଠନ ଆକ୍ରମଣ ପାଇଁ ନିଜକୁ ଦାୟୀ କରି ନାହାନ୍ତି।
ଆଗକୁ ପଢ଼ନ୍ତୁ : ଏଣିକି ଦୁଷ୍କର୍ମକାରୀଙ୍କୁ କରାଯିବ ନପୁଂସକ, ଲାଗୁ ହେଲା ଅଧ୍ୟାଦେଶ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
