ମୁମ୍ୱାଇ: ମହାରାଷ୍ଟ୍ରର ତରପୁର ଜୋନରେ ଥିବା ଏକ କେମିକାଲ କାରଖାନା ବିସ୍ଫୋରଣ ହେବାରୁ ୨ ଜଣଙ୍କର ମୃତ୍ୟୁ ଘଟିଛି, ଜଣେ ଆହତ ହୋଇଛନ୍ତି। ଜିଲ୍ଲା ପ୍ରଶାସନ ପକ୍ଷରୁ ଏହି ସୂଚନା ମିଳିଛି। ବିସ୍ଫୋରଣ ବେଳେ କାରଖାନାରେ ୧୦୫ ଜଣ କାମ କରୁଥିଲେ ବୋଲି ଜିଲ୍ଲା ପ୍ରଶାସନ ସୂଚନା ଦେଇଛି।
ମୃତକ ମାନେ କାରଖାନାର ଶ୍ରମିକ ବୋଲି ସ୍ଥାନୀୟ ଥାନା ଅଧିକାରୀ ପ୍ରଦୀପ କସବେ କହିଛନ୍ତି। ମୃତ ଶ୍ରମିକ ମାନେ ପସତଲର ବୋଇସର ନିବାସୀ ବିଜୟ ସାଓ୍ୱନ୍ତ ଏବଂ ପଲଘରର ୪୮ ବର୍ଷୀୟ ସମୀର ଖୋଜା। ଆହତ ଜଣଙ୍କ ରୁନାଲ ଠାକୁର (୩୫)। ସେ ଏବେ ବୈଶରର ଏକ ହସ୍ପିଟାଲରେ ଭର୍ତ୍ତି ହୋଇଛନ୍ତି ବୋଲି କସବେ କହିଛନ୍ତି। କାରଖାନାରେ ନିଆଁ ଲାଗିବା ପରେ ଦୁଇଟି ଦମକଳବାହିନୀ ଟିମ୍ ଆସି ନିଆଁ ଲିଭାଇଛନ୍ତି।
ଏହି କେମିକାଲ କାରଖାନାରେ ସାବୁନ୍, ଡିଟରଜେଣ୍ଟ ଏବଂ ସାନିଟାଇଜର ପାଇଁ ଆବଶ୍ୟକ କେମିକାଲ ତିଆରି ହୁଏ। ସାନିଟାଇଜର ୟୁନିଟରେ ବିସ୍ଫୋରଣ ହେବାରୁ ୨ ଜଣଙ୍କର ମୃତ୍ୟୁ ଘଟିଛି। ଲକଡାଉନ୍ ବେଳେ ସାନିଟାଇଜର ଏବଂ ସାବୁନ ଆବଶ୍ୟକ ରହିଥିବାରୁ ଜିଲ୍ଲା ପ୍ରଶାସନର ନିର୍ଦ୍ଦେଶକ୍ରମେ ଆଜି ଚାଲୁ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
