ନୂଆଦିଲ୍ଲୀ: ୨୦୧୬ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପାକିସ୍ତାନ ଗସ୍ତ କରିବେ । ଏଥିପାଇଁ ପାକିସ୍ତାନ ପ୍ରଧାନମନ୍ତ୍ରୀ ନୱାବ ଶରିଫ ମୋଦିଙ୍କୁ ଆମନ୍ତ୍ରଣ କରିଛନ୍ତି । ଗତବର୍ଷ ପାକିସ୍ତାନରେ ହେବାକୁ ଥିବା ସାର୍କ ସମ୍ମିଳନୀରେ ପ୍ରଧାନମନ୍ତ୍ରୀ ଯୋଗଦେବେ । ରୁଷର ସହର ଉଫାରେ ପ୍ରଧାନମନ୍ତ୍ରୀ ମୋଦି ପାକିସ୍ତାନ ପ୍ରଧାନମନ୍ତ୍ରୀ ଶରିଫଙ୍କୁ ସାକ୍ଷାତ କରିଥିଲେ । ଏହି ସମୟରେ ଭାରତ ପକ୍ଷରୁ ପ୍ରତିପକ୍ଷ ପାକିସ୍ତାନ ଆଗରେ ଆତଙ୍କବାଦ ଓ ଅନ୍ୟ ଦ୍ୱିପାକ୍ଷିକ ମାମଲାରେ ଉପରେ ଦୃଷ୍ଟି ଆକର୍ଷଣ କରାଯାଇଥିଲା । ପ୍ରଧାନମନ୍ତ୍ରୀ ମୋଦି ଶରିଫଙ୍କ ସହ ଆତଙ୍କବାଦ ସମ୍ପର୍କରେ ଆଲୋଚନା କରିଥିଲେ । ମୋଦି ପାକିସ୍ତାନ ଆତଙ୍କବାଦ କାର୍ଯ୍ୟକଳାପ ଉପରେ ଲଗାମ ଲଗାଇବା ଲାଗି ଆବଶ୍ୟକ ପଦକ୍ଷେପ ନେବାକୁ ଶିରଫଙ୍କୁ କହିଥିଲେ । ଏହାସହ ଭାରତ ପକ୍ଷରୁ ୨୬/୧୧ ଆକ୍ରମଣର ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ସହ ଲଖବିକୁ ଜେଲରୁ ଛଡାଯବା କଥା ଉଠାଯାଇଥିଲା । ସେହିପରି ପାକିସ୍ତାନ ପକ୍ଷରୁ ପୁଣି ଥରେ କାଶ୍ମୀର ସମସ୍ୟା ଉପରେ ଆଲୋଚନା କାଯିବା ଉପରେ ଜୋର ଦିଆଯାଇଥିଲା ।
ମୋଦି ଓ ଶରିଫଙ୍କ ଏହି ସାକ୍ଷାତକାର ଏକ ବନ୍ଦ ଘର ମଧ୍ୟରେ ହୋଇଥିଲା । ଉକ୍ତ ଘରେ ପ୍ରଥମରୁ ମୋଦି ଶରିଫଙ୍କ ଅପେକ୍ଷା କରିଥିଲେ । ଦୁଇ ନେତାଙ୍କ ମଧ୍ୟରେ ପ୍ରାୟ ୫୫ ମିନିଟ ପର୍ଯ୍ୟନ୍ତ କଥାବାର୍ତ୍ତା ହୋଇଥିଲା । ଏହି ସମୟରେ ଦୁଇ ଦେଶର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ । ଏ ନେଇ ବିଦେଶ ସଚିବ ଏସ. ଜୟଶଙ୍କର ମିଡିଆ ସମ୍ମୁଖରେ ଯୁଗ୍ମ ବାର୍ତ୍ତା ଜାରି କରିଥିଲେ । ବୈଠକରେ ପାକିସ୍ତାନ ପ୍ରଧାନମନ୍ତ୍ରୀଙ୍କ ସଲାକାର ସରତାଜ ଅଜିଜ ଏବଂ ବିଦେଶ ସଚିବ ଅଜିଜ ଚୌଧୁରୀ ଉପସ୍ଥିତ ଥିଲେ । ଭାରତ ପକ୍ଷରୁ ରାଷ୍ଟ୍ରିୟ ସୁରକ୍ଷା ସଲାକାର ଅଜିତ ଡୋଭାଲ ଏବଂ ବିଦେଶ ମନ୍ତ୍ରଣାଳୟ ପ୍ରବକ୍ତା ବିକାଶ ସ୍ୱରୂପ ମଧ୍ୟ ଉପସ୍ଥିତ ଥିଲେ । ମିଳିଥିବା ସୂଚନା ଅନୁସାରେ ଦୁଇ ଦେଶର ପ୍ରଧାନମନ୍ତ୍ରୀ ନିଜ ଦେଶର ବିଦେଶ ସଚିବଙ୍କୁ ଶୀଘ୍ର ଭେଟିବାକୁ କହିବେ ଯାହାକୁ ଏକ ନୂଆ ଦ୍ୱିପକ୍ଷିକ ସମ୍ପର୍କର ଆରମ୍ଭ କରିବ ବୋଲି ଆଶା କରାଯାଉଛି । ସଂୟୁକ୍ତ ରାଷ୍ଟ୍ର ମହାସଭା ମିଟିଂ ଅବସରରେ ଦୁଇ ଦେଶର ବିଦେଶ ସଚିବ ଭେଟିବାର ସମ୍ଭାବନା ରହିଛି ।
ଶରିଫଙ୍କ ସହ ସାକ୍ଷାତ ବେଳେ ମୋଦି ମୁମ୍ବାଇ ଆର୍କମଣର ମାଷ୍ଟର ମାଇଣ୍ଡି ଜାକିର ରହମାନ ଲଖବିର ମୁକ୍ତିକୁ ନେଇ ପ୍ରଶ୍ନ ଉଠାଇ ଥିଲେ । ଲଖବି ମୁକ୍ତ ଘଟଣାରେ ଚୀନର ସମର୍ଥନ ପାଇବା ଓ ସଂଘାଇ ସହଯୋଗ ସଂଗଠନରେ ସ୍ଥାୟୀ ସଦସ୍ୟତା ପାଇବା ପରେ ବିଶ୍ୱ ଦରବାରକୁ ପାକିସ୍ତାନ ନୂଆ ବିଶ୍ୱାସର ସହ ଯାଉଛି । ଏହା ପ୍ରଧାନମନ୍ତ୍ର ମୋଦିଙ୍କ ପାଇଁ ଶରିଫଙ୍କ ଉପରେ କୁଟନୈତିକ ଜୋର ଦେବା ଚ୍ୟାଲେଞ୍ଜ ହୋଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
