ଶ୍ରୀନଗର: ଜମ୍ମୁ କଶ୍ମୀରର ବୁଡ଼ଗାମ ଜିଲ୍ଲାରେ ପାକ୍ ଆତଙ୍କବାଦୀ ସଂଗଠନ ଲଶ୍କର-ଏ-ତୋଇବାର ୪ ସନ୍ଦିଗ୍ଧ ଆତଙ୍କବାଦୀକୁ ଗିରଫ କରିଛି ପୁଲିସ୍। ଏହି ଜିଲ୍ଲାରେ ଆତଙ୍କୀମାନେ ପୂର୍ବରୁ ସୂଚନା ମିଳିଥିଲା। ଏହାପରେ ସେନା ଏବଂ ଜମ୍ମୁ କଶ୍ମୀର ପୁଲିସ ମିଳିତ ଭାବରେ ସର୍ଚ୍ଚ ଅପରେସନ କରି ୪ ସନ୍ଦିଗ୍ଧଙ୍କୁ ଗିରଫ କରିବାରେ ସକ୍ଷମ ହୋଇଛି।
ଗିରଫ ୪ ଜଣଙ୍କ ମଧ୍ୟରେ ଲଶ୍କରକୁ ସହଯୋଗ କରୁଥିବା ଓ୍ୱାସିମ ଗନି ଏବଂ ତିନି ସହଯୋଗୀ ରହିଛନ୍ତି। ଏହି ତିନି ସହଯୋଗୀ ଫାରୁକ ଅହମଦ ଡର, ମହମ୍ମଦ ୟାସିନ୍ ଏବଂ ଆଜହାରୁଦ୍ଦିନ୍ ମୀର ବୋଲି ପୁଲିସ କହିଛି। ଏହି ସମସ୍ତ ବଡଗାମ ଜିଲ୍ଲାର ବୀରଓ୍ୱାହ ବାସିନ୍ଦା।
ପୁଲିସ ଏମାନଙ୍କ ପାଖରୁ ଅସ୍ତ୍ରଶସ୍ତ୍ର, ଗୁଳି ଓ ଅନ୍ୟାନ୍ୟ କାଗଜ ପତ୍ର ଜବତ କରିଛି। ପୁଲିସ ସନ୍ଦିଗ୍ଧଙ୍କ ବିରୋଧରେ ୟୁଏପିଏ ଏବଂ ଆର୍ମସ ଆକ୍ଟ ସମ୍ୱନ୍ଧିତ ଆଇନ୍ ଲାଗୁ କରି କାର୍ଯ୍ୟାନୁଷ୍ଠାନ ଗ୍ରହଣ କରିଛି।