ଟ୍ରକ୍ ଓଲଟି ୫ ଶ୍ରମିକ ମୃତ, ୧୫ ଆହତ

ବାହାର ରାଜ୍ୟରୁ ନିଜ ରାଜ୍ୟକୁ ଫେରୁଥିଲେ।

ଭୋପାଳ: ଏକ ଟ୍ରକ୍ ଓଲଟି ପଡ଼ିବାରୁ ୫ ଜଣ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ ୧୫ ଜଣ ଆହତ ହୋଇଛନ୍ତି। ଗତକାଲି ବିଳମ୍ବିତ ରାତିରେ ମଧ୍ୟପ୍ରଦେଶର ରାଜଧାନୀ ଭୋପାଳ ଠାରୁ ପ୍ରାୟ ୨୦୦ କି.ମି ଦୂର ନରସିଂହପୁର ଗାଁରେ ଏହି ଦୁର୍ଘଟଣା ଘଟିଥିଲା।

ଏହି ଶ୍ରମିକମାନେ ଏକ ଆମ୍ବ ବୋଝେଇ ଟ୍ରକ୍‌ରେ ହାଇଦ୍ରାବାଦରୁ ଆସୁଥିଲେ। ସେମାନଙ୍କ ମଧ୍ୟରୁ କେତେକ ମଧ୍ୟପ୍ରଦେଶର ଝାନ୍‌ସୀ ସହରକୁ ଯାଉଥିବା ବେଳେ ଆଉ କିଛି ଉତ୍ତର ପ୍ରଦେଶ ଯାଉଥିଲେ। ଆହତ ଶ୍ରମିକମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ସେମାନଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ସଂକଟାପନ୍ନ ରହିଛି। ଏହା ସହିତ ସମସ୍ତଙ୍କର କରୋନା ଟେଷ୍ଟ ପାଇଁ ସାମ୍ପଲ ମଧ୍ୟ ନିଆଯାଇଛି। କାରଣ ସେମାନଙ୍କ ମଧ୍ୟରୁ ଜଣେ ଜ୍ୱରରେ ମଧ୍ୟ ପୀଡ଼ିତ ଅଛନ୍ତି।

ସୂଚନାଯୋଗ୍ୟ, ଏହା ପୂର୍ବରୁ ଦୁଇ ଦିନ ତଳେ ମହାରାଷ୍ଟ୍ରରେ ୧୬ ଜଣ ପ୍ରବାସୀ ଶ୍ରମିକଙ୍କ ଉପରେ ମାଲବାହୀ ଟ୍ରେନ୍ ଚଢ଼ିଯାଇଥିଲେ। ସେମାନେ ମହାରାଷ୍ଟ୍ରର ଜଲାନରୁ ମଧ୍ୟପ୍ରଦେଶର ଭୁଶବଲକୁ ଫେରୁଥିଲେ। ସେମାନେ ଟ୍ରେନ୍‌ ଲାଇନ୍‌ରେ ଚାଲି ଚାଲି ଯାଉଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।