ବେଙ୍ଗାଲୁରୁ: ବେଙ୍ଗାଲୁରୁଠାରେ ଚାଲିଥିବା ଏୟାର ଶୋ’ ସମୟରେ ୟେଲାହାଙ୍କା ଏୟାରବେସ୍ରୁ ଉଡ଼ାଣ ଭରିଥିବା ଟି ସୂର୍ଯ୍ୟକିରନ୍ ଏୟାରକ୍ରାଫ୍ଟ ମଝି ଆକାଶରେ ଦୁର୍ଘଟଣାଗ୍ରସ୍ତ ହୋଇଥିବା ଜଣାଯାଇଛି। ମଙ୍ଗଳବାର ଏୟାର ଶୋ’ ଅବସରରରେ ଏହି ଦୁଇ ଏୟାରକ୍ରାଫ୍ଟ ସମନ୍ୱୟ ରକ୍ଷା କରିନପାରି ପରସ୍ପର ମଧ୍ୟରେ ମାଡ଼ ହୋଇଯାଇଥିଲେ।
ଏହି ଶୋ’ର ଜଣେ ପ୍ରତ୍ୟକ୍ଷଦର୍ଶୀ ଅଙ୍ଗଦ ସିଂହଙ୍କ କହିବା ଅନୁଯାୟୀ ଏହି ଦୁର୍ଘଟଣା ସମୟରେ ୩ଜଣ ପାଇଲଟ ଏୟାରରେ ଥିଲେ। ସେ ଟ୍ୱିଟ୍ କରିଛନ୍ତି, ଦୁର୍ଘଟଣାଗ୍ରସ୍ତ ଗୋଟିଏ ଏୟାରକ୍ରାଫ୍ଟରେ ୨ଟି ଯାକ ସିଟ୍ରେ ୨ ଜଣ ପାଇଲଟ୍ ଥିଲେ।
ଏହି ଦୁର୍ଘଟଣା ସମୟରେ ପ୍ରବଳ ଧୂଆଁ ବାହାରିଥିଲା ଏବଂ ପ୍ରତ୍ୟକ୍ଷଦର୍ଶୀ ୨ଟି ପାରାଚ୍ୟୁଟ୍ ଖସିଥିବାର ଦେଖିବାକୁ ପାଇଥିଲେ। ସୂଚନାଯୋଗ୍ୟ ଯେ, ପାଇଲଟ୍ମାନେ ସୁରକ୍ଷିତ ଅଛନ୍ତି।