ଅମରୋହ(ଉତ୍ତର ପ୍ରଦେଶ) : ଚଳିତ ସାଧାରଣ ନିର୍ବାଚନ ଲାଗି ଦ୍ୱିତୀୟ ପର୍ଯ୍ୟାୟ ମତଦାନ ଚାଲିଛି। ୧୧ ରାଜ୍ୟ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ୯୫ଟି ଆସନ ପାଇଁ ହେଉଥିବା ଏହି ମତଦାନ ବେଳେ ନକଲି ଭୋଟର ଭୋଟ ଦେଉଥିବା ଭଳି ଗୁରୁତର ଅଭିଯୋଗ ଆସିଛି। ଉତ୍ତର ପ୍ରଦେଶର ନୌଗାଓଁ ଗ୍ରାମରେ ଏହି ନକଲି ଭୋଟର ବୁର୍ଖା ପିନ୍ଧି ଭୋଟ ଦେଇ ଧରାପଡିଛନ୍ତି। ଅଭିଯୁକ୍ତ ଭୋଟରଙ୍କୁ ପୁଲିସ୍ ଅଟକ ରଖିଥିବା ଅମରୋହ ଲୋକସଭା ବିଜେପି ପ୍ରାର୍ଥୀ ତଥା ସାଂସଦ କନୱର ସିଂହ ତନୱର କହିଛନ୍ତି।
Kanwar Singh Tanwar,BJP MP candidate from Amroha: Fake voting has happened. Women in burkhas are not being checked for their identity. I heard a man wearing burkha was also caught pic.twitter.com/Yzli3I7Y8P
— ANI UP (@ANINewsUP) 18 April 2019
ଅମରୋହ ଆସନରେ ପାଖାପାଖି ୧୦୦ଟି ବୁଥ୍ ରହିଛି । ଯେଉଁଠି ପୋଲିଂ ଏଜେଣ୍ଟ ବିଜେପିର କେହି ନ ଥିବା ସାଂସଦ ତନୱର ସିଂହ କହିଛନ୍ତି। ଏହାର ଫାଇଦା ନେଇ ନକଲି ଭୋଟର ବୁର୍ଖା ପିନ୍ଧି ଭୋଟ ଦେଉଥିବା ସେ ଅଭିଯୋଗ କରିଛନ୍ତି।
ଏହି ଘଟଣା ପରେ ସେ ଜିଲ୍ଲା ନିର୍ବାଚନ ଅଧିକାରୀଙ୍କ ନିକଟରେ ଅଭିଯୋଗ କରିଛନ୍ତି। ସେପଟେ ପ୍ରତିପକ୍ଷ ବିଏସପି ପ୍ରାର୍ଥୀ ଦାନିଶ ଅଲ୍ଲୀ କହିଛନ୍ତି ବିଜେପି ନିଜେ ନକଲି ଭୋଟରଙ୍କ ଜରିଆରେ ଭୋଟିଂ ପାଇଁ ଚେଷ୍ଟା କରୁଛି।
ତେବେ ଏହା ପୂର୍ବରୁ ଏପ୍ରିଲ ୧୧ରେ ହୋଇଥିବା ପ୍ରଥମ ପର୍ଯ୍ୟାୟ ମତଦାନ ବେଳେ ମଧ୍ୟ ସମାନ ଅଭିଯୋଗ ଆସିଥିଲା। ମୁଜାଫରନଗର ଲୋକସଭା ଆସନ ପାଇଁ ମତଦାନ ବେଳେ ବୁର୍ଖା ପିନ୍ଧି ନକଲି ଭୋଟର ମତଦାନ କରିଥିବା ବିଜେପି ନେତା ସଞ୍ଜୀବ ବାଲିୟାନ ଅଭିଯୋଗ କରିଥିଲେ। ଯାହାର ଅଭିଯୋଗ ନିର୍ବାଚନ କମିଶନଙ୍କ ହସ୍ତଗତ ହୋଇ ନ ଥିଲା। ଏଣୁ ସମସ୍ତ ବୁର୍ଖା ପିନ୍ଧା ମହିଳାଙ୍କର ତଦନ୍ତ ହେବା ଦରକାର ବୋଲି ସେ ଦାବି କରିଥିଲେ।