ଥିରୁଭନନ୍ତପୁରମ୍: ଟେକ୍ନୋଲୋଜିର ବ୍ୟବହାର ବଢ଼ିବା ସହିତ ଜୀବନଶୈଳୀକୁ ପଶିଆସିଛି ନୂଆ ନୂଆ ଟ୍ରେଣ୍ଡ୍। ଏଭିତରୁ ଗତ କିଛି ବର୍ଷରେ ସବୁଠାରୁ ଅଧିକ ଲୋକପ୍ରିୟ ସାଜିଛି ପ୍ରିୱେଡିଂ ଫଟୋ ଏବଂ ଭିଡିଓ ଶୁଟ୍। ଏଥିପାଇଁ ବିବାହ ବନ୍ଧନରେ ବାନ୍ଧିହେବାକୁ ଥିବା ଯୋଡ଼ି ଏବଂ ଫଟୋଗ୍ରାଫର କେତେଯେ କସରତ କରନ୍ତି, ତାହା ଭାବିଲେ ଆଶ୍ଚର୍ଯ୍ୟ ଲାଗେ। ସେହି ଫଟୋଶୁଟ୍ଗୁଡ଼ିକ ମଧ୍ୟରୁ ଏପରି କିଛି ମଧ୍ୟ ଅଛି ଯାହା ଦେଖିଲେ ଯେ କେହି ହସି ହସି ଗଡ଼ିଯିବ।
କେତେବେଳେ ଫଟୋଗ୍ରାଫର ପେଟେଇକି ଫଟୋ ଉଠାଉଥିବ ପୁଣି ଶୋଇପଡ଼ିଥିବ, ପୁଣି କେତେବେଳେ ଗଛରୁ ଝୁଲିପଡ଼ି ତଳେ ଥିବା ଯୋଡ଼ିଙ୍କ ଫଟୋ ଉଠାଉଥିବ। ଏବେ କେରଳର ଏଭଳି ଏକ ଫଟୋଉଠା ଦୃଶ୍ୟ ବେଶ୍ ଭାଇରାଲ ହେଉଛି। କେରଳର ପାମ୍ବା ନଦୀରେ ଏହି ଫଟୋଶୁଟ୍ ଚାଲିଥିଲା ଏବଂ ଏହାର ଏକ ଦୃଶ୍ୟ ୱେଡ୍ପ୍ଲାନର ୱେଡିଂ ଷ୍ଟୁଡିଓ ଅନ୍ଲାଇନ୍ରେ ଶେୟାର କରିଥିଲେ।
ଉଭୟ ବର ଓ କନ୍ୟା ଟିନ୍ଜିନ୍ ଏବଂ ଶିଳ୍ପା କଦଳୀ ପତ୍ର ମୁଣ୍ଡ ଉପରେ ରଖି ଏକ ଡଙ୍ଗାରେ ବସିଛନ୍ତି। ଆଉ ଚାରିପଟୁ କିଛି ଲୋକ ପାଣି ପକାଉଛନ୍ତି। ଫଟୋଗ୍ରାଫର୍ ଜଣକ ଆଉ ଏକ ଡଙ୍ଗାରେ ଥାଇ ଫଟୋ ଉଠାଉଚନ୍ତି। ହଠାତ ଏହି ଯୋଡ଼ି ଭାରସାମ୍ୟ ହରାଇ ପାଣିରେ ପଡ଼ିଯାଉଛନ୍ତି। ଏହି ମଜାଦାର ଦୃଶ୍ୟ ଫଟୋଗ୍ରାଫରମାନେ ରେକର୍ଡିଂ କରିନେଇ ପରେ ଭାଇରାଲ କରିଛନ୍ତି। ଆଉ ସବୁଠାରୁ ବଡ଼ କଥା ହେଉଛି ଫଟୋଗ୍ରାଫର ଟିମ୍ ହିଁ ମଜା କରିବା ପାଇଁ ଏଭଳି କାରସାଦି କରିଥିଲେ।
ଦେଖନ୍ତୁ ଭିଡିଓ
https://www.facebook.com/WeddplannerWeddingStudio/videos/1596808883782488/
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
