ସିଙ୍ଗାପୁର: ରବିବାର ସିଙ୍ଗାପୁରରେ ନଭୋଲ୍ କରୋନାରେ ୫୯୬ ଜଣ ଆକ୍ରାନ୍ତ ହୋଇଛନ୍ତି। ଏଥିମଧ୍ୟରୁ ସର୍ବାଧିକ ଆକ୍ରାନ୍ତ ଜନଗହଳି ସ୍ଥାନରେ ରହୁଥିଲେ। ଯେଉଁଠି ପ୍ରବାସୀ ଶ୍ରମିକ ରହୁଛନ୍ତି। ସ୍ୱାସ୍ଥ୍ୟ ମନ୍ତ୍ରଣାଳୟର ରିପୋର୍ଟ ଅନୁଯାୟୀ, କେବଳ ୨୫ ଜଣ ଏଥିମଧ୍ୟରୁ ସିଙ୍ଗାପୁରବାସୀ ବୋଲି ଇଫେ ନ୍ୟୁଜ୍ ରିପୋର୍ଟ କରିଛି। ଗତ ଦୁଇ ସପ୍ତାହ ମଧ୍ୟରେ ବିଦେଶୀ ପ୍ରବାସୀ ଶ୍ରମିକଙ୍କ ମଧ୍ୟରେ ଏହି ମାମଲା ବୃଦ୍ଧି ପାଇଛି। ଏଯାବତ ୬,୫୮୮ ଜଣ କରୋନାରେ ସଂକ୍ରମିତ ହୋଇଛନ୍ତି। ୧୧ ଜଣଙ୍କର ମୃତ୍ୟୁ ଘଟିଛି।
ଚାଇନା ପରେ ସିଙ୍ଗାପୁର ହେଉଛି ପ୍ରଥମ ଦେଶ ଯିଏକି କରୋନା ଆକ୍ରାନ୍ତଙ୍କୁ ପ୍ରଥମେ ଚିହ୍ନଟ କରିଥିଲା। ଏହାପରେ ୫୬ ଲକ୍ଷ ଜନସଂଖ୍ୟା ବିଶିଷ୍ଟ ଏହି ଦେଶ ରାପିଡ ଟେଷ୍ଟ କରି କରୋନାକୁ ଅତ୍ୟଧିକ ମାତ୍ରାରେ ସଂକ୍ରମିତ ହେବାକୁ ଦେଇନଥିବା ଜଣାପଡ଼ିଛି। ଏବେ ଯେଉଁ ସ୍ଥାନରେ କରୋନା ଆକ୍ରାନ୍ତ ଚିହ୍ନଟ ହେଉଛନ୍ତି ସେହି ସ୍ଥାନରେ ରାପିଡ୍ କରୋନା ଟେଷ୍ଟ ହେଉଛି।
ଦେଶରେ କରୋନା ଆକ୍ରାନ୍ତ ଚିହ୍ନଟ ହେବା ପରେ ସିଙ୍ଗାପୁର ସରକାର ସ୍କୁଲ ଏବଂ ମନୋରଞ୍ଜନ ସ୍ଥାନଗୁଡିକୁ ବନ୍ଦ କରି ଦେଇଥିଲେ। ଯାହାକୁ ବିଶ୍ୱ ସ୍ୱାସ୍ଥ୍ୟ ସଂଗଠନ ପ୍ରଶଂସା କରିଥିଲେ। ଅନ୍ୟ ଦେଶ ପାଇଁ ସିଙ୍ଗାପୁର ଉଦାହରଣ, ଅନ୍ୟ ଦେଶ ଏହାକୁ ଅନୁସରଣ କରିବା ଦରକାର ବୋଲି ବିଶ୍ୱ ସ୍ୱାସ୍ଥ୍ୟ ସଂଗଠନ କହିଥିଲା।
ସିଙ୍ଗାପୁରରେ ଥିବା ୨୦୦,୦୦୦ ପ୍ରବାସୀ ଶ୍ରମିକଙ୍କ ମଧ୍ୟରୁ ଅଧିକାଂଶ ଭାରତୀୟ। ଏମାନେ ସମସ୍ତେ ୪୩ଟି କଠୋରୀରେ ରହୁଛନ୍ତି। ସେଥିମଧ୍ୟରୁ ୧୭ ଟି କଠୋରୀ COVID-୧୯ ହଟସ୍ପଟ୍ ଭାବରେ ଚିହ୍ନଟ ହୋଇଛି। ସେହିପରି ନଅଟି କଠୋରୀକୁ ବିଚ୍ଛିନ୍ନତା ଜୋନ୍ ଭାବରେ ନାମିତ କରାଯାଇଛି।
ସ୍ଥାନୀୟ ଗଣମାଧ୍ୟମ ମାନବାଧିକାର ସଂଗଠନର ରିପୋର୍ଟକୁ ଉଦ୍ଧୃତ କରି କହିଛି, ସହର ବାହାରେ ଥିବା ଅନେକ ଛାତ୍ରାବାସରେ ପ୍ରବାସୀ ଶ୍ରମିକମାନେ ଅତ୍ୟଧିକ ଜନଗହଳିପୂର୍ଣ୍ଣ ଏବଂ ଅପରିଷ୍କାର ଅବସ୍ଥାରେ ରହୁଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
