ମୁମ୍ୱାଇ: ମହାରାଷ୍ଟ୍ରର ପୂର୍ବତନ ମନ୍ତ୍ରୀ ତଥା ଏନସିପି ନେତା ଏକନାଥ ଖାଡସେ ରବିବାର ସନ୍ଧ୍ୟାରେ ଅଳ୍ପକେ ଦୁର୍ଘଟଣାରୁ ବର୍ତ୍ତିଛନ୍ତି। ତାଙ୍କ କାରର ଟାୟାର ଫାଟି ଯାଇଥିଲା। ତେବେ ସେ ଅଳ୍ପକେ ବର୍ତ୍ତିଯାଇଛନ୍ତି। ଜଣେ ପୁଲିସ ଅଧିକାରୀ ଏହି ସୂଚନା ଦେଇଛନ୍ତି। ତେବେ କେହି ଆହତ ହୋଇ ନାହାନ୍ତି।
ଖାଡସେ ଅମାଲନରରୁ ଜଲଗାଓଁ ଯାଉଥିବା ବେଳେ ଏହି ଘଟଣା ଘଟିଛି। ଗୃହମନ୍ତ୍ରୀ ଅନୀଲ ଦେଶମୁଖଙ୍କ ଦ୍ୱାରା ପୁଲିସ କ୍ୱାର୍ଟର୍ସ ଏବଂ ଥାନାର ଉଦଘାଟନୀ କାର୍ଯ୍ୟକ୍ରମରେ ଭାଗ ନେବାକୁ ସେ ଅମାଲନରରୁ ଯାଉଥିଲେ। ଏକନାଥଙ୍କ ଟାୟାର ଫାଟି ଯିବା ବେଳେ ତାଙ୍କ ଡ୍ରାଇଭର କାରକୁ ନିୟନ୍ତ୍ରଣ କରିଥିଲେ, ଏଥିରେ କେହି ଆହତ ହୋଇ ନଥିବା ଜଣାପଡ଼ିଛି।
ଏକନାଥ ନିକଟରେ ବିଜେପି ଛାଡ଼ି ଏନସିପିରେ ଯୋଗ ଦେଇଥିଲେ। ଜମି ଦୁର୍ନୀତି ମାମଲାରେ ୨୦୧୬ରେ ଛନ୍ଦି ହେବା ପରେ ଦେବେନ୍ଦ୍ର ଫଡନାଭିସ୍ ସରକାରରୁ ସେ ଇସ୍ତଫା ଦେଇଥିଲେ। ପରେ ସେ ବିଜେପି ଛାଡ଼ି ଏନସିପିରେ ଯୋଗ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
