ନୂଆଦିଲ୍ଲୀ:ଇଂରାଜୀ ବ୍ୟାକରଣ ଜ୍ଞାନ ନଥିବା କାରଣରୁ ଜଣେ ପଞ୍ଜାବୀ ଯୁବକ ସୋଶାଲ ମିଡିଆରେ ହଟହଟା ହେବାପରେ କେନ୍ଦ୍ର ବୈଦେଶିକ ମନ୍ତ୍ରୀ ସୁଷମା ସ୍ୱରାଜ ତାଙ୍କ ପାଇଁ ଓକିଲାତି କରିବା ଏବେ ଚର୍ଚ୍ଚାର ବିଷୟ ପାଲଟିଛି। ଏହି ଯୁବକ ମ୍ୟାଲେସିଆରେ ରୁହନ୍ତି ଏବଂ ତାଙ୍କର ଜଣେ ସାଙ୍ଗଙ୍କୁ ଭାରତ ଫେରାଇନେବାରେ ସହାୟତା ମାଗି ଏହି ଟ୍ୱିଟ୍ କରିଥିଲେ।
ତେବେ ତାଙ୍କ ଟ୍ୱିଟ୍ରେ ଅନେକ ଭୁଲଭଟକା ଲକ୍ଷ୍ୟ କରି ଅନ୍ୟ କିଛି ବ୍ୟବହାରକାରୀ ଏହାକୁ ନେଇ ଥଟ୍ଟା ତାମ୍ସା ଆରମ୍ଭ କରିଥିଲେ। ଏପରିକି ଜଣେ ଲେଖିଥିଲେ, “ଭାଇ ହିନ୍ଦୀ କିମ୍ବା ପଞ୍ଜାବୀରେ ଲେଖିଦେଇଥିଲେ ଭଲ ହୋଇଥାନ୍ତା ?”
ଏହି ଟ୍ୱିଟ୍ ସୁଷମାଙ୍କ ନଜରରେ ଆସିବା କ୍ଷଣି ସେ ଉତ୍ତର ରଖି କହିଲେ, ଏଥିରେ କିଛି ସମସ୍ୟା ନାହିଁ। ବୈଦେଶିକ ମନ୍ତ୍ରୀ ହେବା ପରେ ଯାଇ ମୁଁ ସମସ୍ତ ଆସେଣ୍ଟର ଇଂରାଜୀ ଶିଖିଲି ଏବଂ ବ୍ୟାକରଣ ଶିଖିଲି।
https://twitter.com/SushmaSwaraj/status/1105170509598142464
ମୂଳ ଟ୍ୱିଟ୍ରେ ପଞ୍ଜାବୀ ଯୁବକ ଗାଭି ତାଙ୍କ ସାଧ୍ୟମତେ ଇଂରାଜୀରେ ଲେଖିଥିଲେ, “ମୁଁ ଭାରତର ପଞ୍ଜାବରୁ ଆସି ମ୍ୟାଲେସିଆରେ ରହୁଛି। ମୋର ଜଣେ ସାଙ୍ଗ ମାନସିକ ଭାରସାମ୍ୟ ହରାଇଥିବାରୁ ମୁଁ ତାଙ୍କୁ ଭାରତ ପଠାଇବାକୁ ଚାହୁଁଛି। ଇମିଗ୍ରେସନ୍ ବିଭାଗ ପକ୍ଷରୁ କୁହାଯାଇଛି ସେ ସୁସ୍ଥ ହେଲାପରେ ଯାଇ ଫେରିପାରିବେ। ଆପଣ ଇମିଗ୍ରେସନ୍ ବିଭାଗକୁ ଟିକେ କହିପାରିବେ କି।”
https://twitter.com/Gavy34196087/status/1105153335315709952
ତେବେ ଏହାକୁ ଥଟ୍ଟା କରିଥିବା ଯୁବକଙ୍କ ଥ୍ରେଡ୍ରେ ଅନେକ ବ୍ୟବହାରକାରୀ କଡ଼ା ସମାଲୋଚନା କରିଛନ୍ତି। କିଛି ଲେଖିଛନ୍ତି ସେ ଇଂରାଜୀ ଲେଖିପାରିବେ ବୋଲି କିଛି ମାନେ ନାହିଁ, ସେ ମାଗିଥିବା ସହାୟତା ତା’ଠାରୁ ବଡ଼।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
