ନୂଆଦିଲ୍ଲୀ: ମଦ ବ୍ୟବସାୟୀ ବିଜୟ ମାଲ୍ୟାଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଆଜି ଦ୍ୱିତୀୟ ଥର ପାଇଁ ସମନ ଜାରି କରିଛି। ଆସନ୍ତା ଏପ୍ରିଲ୍ ୨ରେ ଇଡିର ତଦନ୍ତକାରୀ ଅଧିକାରୀଙ୍କ ସମ୍ମୁଖରେବ୍ୟକ୍ତିଗତ ଭାବେ ହାଜର ହେବା ପାଇଁ ନିର୍ଦ୍ଦେଶ ଜାରି କରାଯାଇଛି। ଆଇଡିବିଆଇରୁ ସେ ୯୦୦ କୋଟି ଟଙ୍କାର ଋଣ ନେଇ ଏହାକୁ ଶୁଝି ନ ଥିବା ସଂପର୍କିତ ଏକ ମାମଲାରେ ଇଡି ଏହି ସମନ୍ ଜାରି କରିଛନ୍ତି।
ଏହି ମାମଲାରେ ଇଡି ନିକଟରେ ଆଜି ହାଜର ହେବା ନେଇ ମାଲ୍ୟାଙ୍କୁ ପୂର୍ବରୁ ସମନ ଜାରି କରାଯାଇଥିଲା। ତେବେ ଗତକାଲି ମାଲ୍ୟା ଅଧିକ ସମୟ ମାଗିଥିଲେ। ଏହା ପରେ ଆଜି ଇଡି ଏପ୍ରିଲ୍ ୨ରେ ହାଜର ହେବା ନେଇ ନୂଆ ସମନ ଜାରି କରିଛନ୍ତି।
ମାଲ୍ୟା ୧୬ଟି ବ୍ୟାଙ୍କରୁ ୯୦୦୦ କୋଟି ଟଙ୍କାରୁ ଅଧିକ ଋଣ କରିଥିବା ବେଳେ ଏହାକୁ ନଶୁଝି ବିଦେଶ ପଳାଇଯାଇଛନ୍ତି। ତେବେ ଫେରାର ହୋଇଯିବା ଘଟଣାକୁ ସେ ଅସ୍ୱୀକାର କରିଛନ୍ତି।