ସିମଲା: ଆଜି ସକାଳେ ଭୂ-କମ୍ପରେ ହିମାଚଳ ପ୍ରଦେଶ ୩ ଥର ଥରିଛି। ସକାଳ ୬ଟା ୪୪ ମିନିଟ୍ ୩୨ ସେକେଣ୍ଡରେ ଭୂ-କମ୍ପର ପ୍ରଥମ ଝଟ୍କା ଅନୁଭୂତ ହୋଇଥିଲା। ଏହାର ତୀବ୍ରତା ରିକ୍ଟର ସ୍କେଲ୍ରେ ୪.୬ ଥିଲା।
ଭୂ-କମ୍ପର କେନ୍ଦ୍ରସ୍ଥଳୀ କୁଲ୍ଲୁ ହୋଇଥିବା ଜଣାପଡ଼ିଛି। କୁଲ୍ଲୁ, ମନାଲୀ, ରାମପୁର ଓ ଶିମଲାରେ ଏହା ଅନୁଭୂତ ହୋଇଛି।
ପ୍ରଥମ ଭୂ-କମ୍ପର ୨୧ ମିନିଟ୍ ପରେ ଦ୍ୱିତୀୟ ଝଟ୍କା ଅନୂଭୂତ ହୋଇଥିଲା। ଏହାର ତୀବ୍ରତା ୪.୩ ରେକର୍ଡ କରାଯାଇଛି। ଏହାପରେ ତୃତୀୟ ଝଟ୍କା ୯ଟା୮ ମିନିଟ୍ରେ ଅନୁଭୂତ ହୋଇଥିଲା। ଏହାର ତୀବ୍ରତା ରିକ୍ଟର ସ୍କେଲ୍ରେ ୪.୨ ରହିଛି। ଆଶ୍ଚର୍ଯ୍ୟର ବିଷୟ ଭୂ-କମ୍ପର କେନ୍ଦ୍ରସ୍ଥଳୀ ଗୋଟିଏ ସ୍ଥାନରେ ହିଁ ରହିଛି।