ଶ୍ରୀନଗର: ପାକ୍ ଆତଙ୍କୀ ସଂଗଠନ ହିଜବୁଲ୍ଲ ମୁଜାହିଦ୍ଦିନର କଶ୍ମୀର ମୁଖିଆ ହେଲା ଆତଙ୍କବାଦୀ ଗାଜି ହାଇଦର। ଆତଙ୍କୀ ରିଆଜ ନାଇକୁର ଦାୟିତ୍ୱକୁ ଗାଜି ହାଇଦରକୁ ଦେଇଛି ହିଜବୁଲ୍। ନିକଟରେ ସୁରକ୍ଷାକର୍ମୀଙ୍କ ଗୁଳିରେ ନିପାତ ହୋଇଥିଲା ଆତଙ୍କବାଦୀ ରିଆଜ ନାଇକୁ।
ହିଜବୁଲ ମୁଜାହିଦ୍ଦିନର ମୁଖିଆ ସୟଦ ସଲାଉଦ୍ଦିନର ଅନୁମତିକ୍ରମେ ଗାଜିକୁ କଶ୍ମୀରର ନୂଆ କମାଣ୍ଡର ଭାବରେ ଦାୟିତ୍ୱ ଦିଆଯାଇଛି। ସେହିପରି ଜାଫର-ଉଲ-ଇସଲାମକୁ ଗଜିର ଡେପୁଟି ଭାବରେ ହିଜବୁଲ ମତୟନ କରିଛି। ଆବୁ ତାରିଖକୁ ହିଜବୁଲର ମୁଖ୍ୟ ପରାମର୍ଶଦାତା ଭାବେ ନିଯୁକ୍ତ କରାଯାଇଛି।
ଶନିବାର ଅନ୍ତର୍ଜାତୀୟ ଆତଙ୍କୀର ମାନ୍ୟତା ପାଇଥିବା ହିଜବୁଲ ମୁଜାହିଦ୍ଦିନର ମୁଖିଆ ସୟଦ ସଲ୍ଲାଉଦ୍ଦିନର ଏକ ଭିଡିଓ ସାମ୍ନାକୁ ଆସିଥିଲା। ଯେଉଁଥିରେ ରିଆଜର ମୃତ୍ୟୁକୁ ନେଇ ସେ ଚିନ୍ତାରେ ଥିବା କହିଥିଲା। ରିଆଜର ମୃତ୍ୟୁ ପରେ ଭାରତର ପଲା ଭାରି ରହିଛି ବୋଲି ସେ କହିଥିଲା। ରିଆଜ ନାଇକୁର ମୃତ୍ୟୁର ଶୋକସଭା ଆୟୋଜନ ଅବସରରେ ଏଭଳି କହିଥିଲା ସୟଦ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
