ଲକ୍ଷ୍ନୌ: ଉତ୍ତର ପ୍ରଦେଶରେ ବିଜେପିର ରେକର୍ଡ ବିଜୟ ପରେ ସମାଜବାଦୀ ପାର୍ଟି ମୁଖ୍ୟ ଅଖିଲେଶ ଯାଦବ ପ୍ରତିକ୍ରିୟା ରଖିଛନ୍ତି। ସେ ସପାକୁ ମିଳିଥିବା ଭୋଟ ପାଇଁ ଲୋକଙ୍କୁ ଧନ୍ୟବାଦ ଜଣାଇଛନ୍ତି। ଏଥିସହ ବିଜେପିର ଆସନ ହ୍ରାସ କରାଯାଇ ପାରେ ବୋଲି ତାଙ୍କ ଦଳ ପ୍ରମାଣ କରି ଦେଖାଇଛି ବୋଲି ଅଖିଲେଶ କହିଛନ୍ତି।
୪୦୩ ଆସନ ବିଶିଷ୍ଟ ୟୁପି ବିଧାନସଭା ନିର୍ବାଚନରେ ବିଜେପି ମେଣ୍ଟ ୨୭୩ ଆସନରେ ଜିତିଥିବା ବେଳେ ଅଖିଲେଶଙ୍କ ମେଣ୍ଟ ୧୨୫, କଂଗ୍ରେସ ୨, ବିଏସ୍ପି ୧ ଓ ଅନ୍ୟାନ୍ୟ ଦଳ ୨ଟି ଆସନ ଜିତିଛନ୍ତି।
ବିଜେପି ସର୍ବାଧିକ ଆସନ ସହ ପୁଣିଥରେ ସରକାର ଗଠନ ପାଇଁ ଜନାଦେଶ ପାଇଛି। ଗତଥର ବିଜେପି ମେଣ୍ଟ ୩୨୫ଟି ଆସନ ପାଇଥିଲା। ହେଲେ ଏଥର ଆସନ ସଂଖ୍ୟା ହ୍ରାସ ପାଇଛି।
ଚୂଡ଼ାନ୍ତ ରେଜଲ୍ଟ ପ୍ରକାଶ ପାଇବା ପରେ ଅଖିଲେଶ କହିଛନ୍ତି, “ଆମ ଆସନ ସଂଖ୍ୟା ଅଢ଼େଇ ଗୁଣ ବୃଦ୍ଧି କରିଥିବାରୁ ଉତ୍ତର ପ୍ରଦେଶର ଭୋଟରଙ୍କୁ ଧନ୍ୟବାଦ। ବିଜେପିର ଆସନ ସଂଖ୍ୟା ହ୍ରାସ ପାଇପାରେ ବୋଲି ଆମେ ସମସ୍ତଙ୍କୁ ଦେଖାଇଛୁ। ସିଟ୍ ହ୍ରାସ ପ୍ରକ୍ରିୟା ନିରନ୍ତର ଜାରି ରହିବ। ଅଧାରୁ ଅଧିକ ଭ୍ରମ ଓ ଛଳନା ଦୂର ହୋଇଛି। ବାକି ଆଉ କିଛି ଦିନ ମଧ୍ୟରେ ଲୋକଙ୍କ ମନରୁ ଦୂରେଇ ଯିବ। ଲୋକଙ୍କ ହୀତ ପାଇଁ ସଂଘର୍ଷ ଜାରି ରହିବ।”
उप्र की जनता को हमारी सीटें ढाई गुनी व मत प्रतिशत डेढ़ गुना बढ़ाने के लिए हार्दिक धन्यवाद!
हमने दिखा दिया है कि भाजपा की सीटों को घटाया जा सकता है। भाजपा का ये घटाव निरंतर जारी रहेगा।आधे से ज़्यादा भ्रम और छलावा दूर हो गया है बाकी कुछ दिनों में हो जाएगा।
जनहित का संघर्ष जीतेगा!
— Akhilesh Yadav (@yadavakhilesh) March 11, 2022
ବିଜେପି ମେଣ୍ଟ ୨୦୧୭ ତୁଳନାରେ ଏଥର ୪୯ ଆସନ କମ ପାଇଛି। ସପା ୨୦୧୭ରେ ୪୭ଟି ଆସନ ପାଇଥିବା ବେଳେ ଏଥର ଏକାକୀ ୧୧୧ ଆସନ ଜିତିଛି। ସେହିପରି ସପାର ସହଯୋଗୀଙ୍କ ଆସନ ମିଶାଇଲେ ଏହି ସଂଖ୍ୟା ୧୨୫ରେ ପହଞ୍ଚିଛି। ଏହାର ଅର୍ଥ ୨୦୧୭ ତୁଳନାରେ ଅଖିଲେଶଙ୍କ ସପକ୍ଷରେ ଅଧିକ ୭୩ଟି ଆସନ ପଡ଼ିଛି। ସପାର ଭୋଟ ଭାଗ ୩୨% ଥିବା ବେଳେ ବିଜେପି ୪୧% ଭୋଟ ପାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
