ମୁମ୍ବାଇ: ଡ୍ରଗ୍ସ ଲିଙ୍କରେ ଗିରଫ ହୋଇଛନ୍ତି ଆଉ ଜଣେ ଅଭିନେତ୍ରୀ। ତାଙ୍କ ନାଁ ସଞ୍ଜନର ଗଲ୍ରାନୀ। ସେ କନ୍ନଡ଼ ଫିଲ୍ମରେ ଅଭିନୟ କରନ୍ତି। ଡ୍ରଗ୍ସ କାରବାରକୁ ନେଇ ଏବେ କନ୍ନଡ଼ ଫିଲ୍ମ ଇଣ୍ଡଷ୍ଟ୍ରୀ ଚର୍ଚ୍ଚାରେ ଥିବା ବେଳେ ସେଣ୍ଟ୍ରାଲ୍ କ୍ରାଇମ୍ ବ୍ରାଞ୍ଚ (ସିସିବି) ଏହାର ତଦନ୍ତ କରୁଛି। ତଦନ୍ତ ବେଳେ ସିସିବି ଅନେକ ଲୋକଙ୍କୁ ଗିରଫ କରିସାରିଛି, ଯେଉଁମାନେ କନ୍ନଡ଼ ଫିଲ୍ମ ଇଣ୍ଡଷ୍ଟ୍ରୀ ସହିତ ଜଡ଼ିତ। ଏହି କ୍ରମରେ ପୂର୍ବରୁ ଅଭିନେତ୍ରୀ ରାଗିଣୀ ଦିବ୍ୱେଦୀ ଗିରଫ ହୋଇସାରିଛନ୍ତି।
ସିସିବି ଅଧିକାରୀମାନେ ଆଜି ସକାଳେ ସଞ୍ଜନା ଗଲ୍ରାନୀଙ୍କ ଘରେ ଚଢ଼ାଉ କରିଥିଲେ। ସେଠାରେ ତାଙ୍କୁ ଗିରଫ ମଧ୍ୟ କରାଯାଇଥିଲା। ଏହା ପରେ ତାଙ୍କୁ ପଚରାଉଚରା କରିବାକୁ ସିସିବି ଅଫିସ୍କୁ ନିଆଯାଇଥିଲା।
ସିସିବି ସୂଚନା ଅନୁଯାୟୀ, ରାହୁଲ ନାମକ ଜଣେ ରିୟଲ ଇଷ୍ଟେଟ୍ ଏଜେଣ୍ଟଙ୍କ ନାଁ ଏହି ମାମଲାରେ ଆସିବା ପରଠୁ ସଞ୍ଜନାଙ୍କ ଉପରେ ନଜର ରଖାଯାଇଥିଲା। କାରଣ ରାହୁଲ ହେଉଛନ୍ତି ସଞ୍ଜନାଙ୍କ ବନ୍ଧୁ।
ଏପର୍ଯ୍ୟନ୍ତ ଏହି ମାମଲାରେ ୧୩ ଜଣଙ୍କ ନାଁରେ ମାମଲା ରୁଜୁ ହୋଇଥିବା ବେଳେ ୬ ଜଣ ଗିରଫ ହୋଇଛନ୍ତି।
ସଞ୍ଜନା ବେଙ୍ଗାଲୁରୁରେ ଜନ୍ମ ହୋଇଛନ୍ତି। ୨୦୦୬ରେ ଏକ ତାମିଲ ଫିଲ୍ମ ମାଧ୍ରମରେ ସେ ବଡ଼ ପରଦାରେ ଏଣ୍ଟ୍ରି କରିଥିଲେ। ସେ କନ୍ନଡ଼ ଫିଲ୍ମ ‘Ganda Hendathi’ରେ ଅଭିନୟ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
