ନୂଆଦିଲ୍ଲୀ: କେନ୍ଦ୍ରର କୃଷି ଆଇନ୍କୁ ବିରୋଧ କରି ଆଜି କୃଷକମାନେ ଭାରତ ବନ୍ଦ ଡାକରା ଦେଇଛନ୍ତି। ଚାରିଆଡେ ଏହି ବନ୍ଦର ପ୍ରଭାବ ଦେଖିବାକୁ ମିଳିଛି। ଏହାରି ଭିତରେ ଘଟିଛି ଏକ ଅଘଟଣ। ଦିଲ୍ଲୀ ସିଙ୍ଘୁ ସୀମାରେ ଜଣେ ଆନ୍ଦୋଳନରତ କୃଷକଙ୍କ ମୃତ୍ୟୁ ହୋଇଛି।
ଭଗେଲ ରାମ ନାମକ ଜଣେ କୃଷକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ତେବେ କେଉଁ କାରଣ ଯୋଗୁଁ ତାଙ୍କର ମୃତ୍ୟୁ ହୋଇଛି ସେ ନେଇ କିଛି ସୂଚନା ମିଳିଛି। ହୃଦ୍ଘାତ ଯୋଗୁଁ ତାଙ୍କ ମୃତ୍ୟୁ ହୋଇଥିବା ନେଇ ପୁଲିସ କହିଛି। ତେବେ ବ୍ୟବଚ୍ଛେଦ ପରେ ମୃତ୍ୟୁର ପ୍ରକୃତ କାରଣ ସାମ୍ନାକୁ ଆସିବ।
ତିନି କୃଷି ଆଇନ୍କୁ ବିରୋଧ କରି ଆଜି ସାରା ଦେଶରେ କୃଷକମାନେ ଆନ୍ଦୋଳନ କରୁଛନ୍ତି। ତେବେ ଆନ୍ଦୋଳନକାରୀ କୃଷକଙ୍କୁ ଚଳିତ ଥର ଭାରତ ବନ୍ଦରେ ବିରୋଧୀ ଦଳର ସମର୍ଥନ ମଧ୍ୟ ମିଳିଛି। କଂଗ୍ରେସ, ଆମ ଆଦମୀ ପାର୍ଟି, ଶିବସେନା କୃଷକଙ୍କ ଭାରତ ବନ୍ଦକୁ ସମର୍ଥନ କରିଛି।
ସେପଟେ ସଂଯୁକ୍ତ କୃଷକ ସଂଘ ଭାରତ ବାନ୍ଦକୁ ନେଇ ଏକ ବୟାନ ଜାରି କରିଛି। ଭରତ ବୃନ୍ଦଙ୍କୁ ଅଦ୍ଭୁତପୂର୍ବ ସମର୍ଥନ ମିଳିଥିବା ସେ ଦାବି କରିଛି। ପଞ୍ଜାବ, ହରିୟାଣା, କେରଳ, ବିହାରରେ ସମ୍ପୂର୍ଣ୍ଣ ସଟ୍ଡାଉନ୍ ରହିଛି। ସମସ୍ତ ପ୍ରକାର ଅନୁଷ୍ଠାନ, ବଜାର ଏବଂ ପରିବହନ ବନ୍ଦ ରହିଛି। କୃଷକ ସଙ୍ଘ ଆହୁରି ମଧ୍ୟ ଦାବି କରିଛି ଯେ, ସେମାନଙ୍କର ଭାରତ ବନ୍ଦକୁ ରାଜସ୍ଥାନ, ଉତ୍ତରପ୍ରଦେଶ, ଉତ୍ତରାଖଣ୍ଡ, ପଶ୍ଚିମବଙ୍ଗ, ତେଲେଙ୍ଗାନା, ଆନ୍ଧ୍ରପ୍ରଦେଶ, ମହାରାଷ୍ଟ୍ର, ତାମିଲନାଡୁ, କର୍ଣ୍ଣାଟକ ଏବଂ ମଧ୍ୟପ୍ରଦେଶରେ ମଧ୍ୟ ସମର୍ଥନ ମିଳୁଛି।
ଭାରତ ବନ୍ଦର ପ୍ରଭାବ ଦିଲ୍ଲୀର ଆଖପାଖ ଅଞ୍ଚଳରେ ମଧ୍ୟ ଦେଖିବାକୁ ମିଳିଛି। ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି, ଦୁଃଖର ବିଷୟ ଯେ, ସହିଦ ଭଗତ ସିଂହଙ୍କ ଜନ୍ମଦିବସ ଅବସରରେ କୃଷକଙ୍କୁ ଭାରତ ବନ୍ଦ ଡାକରା ଦେବାକୁ ପଡୁଛି। ଯଦି ସ୍ୱାଧୀନ ଭାତର ବର୍ଷରେ କୃଷକଙ୍କ କଥା ନ ଶୁଣାଯାଏ ତେବେ ଆଉ କେଉଁଠି ଶୁଣାଯିବ? ଖୁବଶୀଘ୍ର କୃଷକଙ୍କ ଦାବି ମାନି ନେବାକୁ ସେ କେନ୍ଦ୍ର ସରକାରଙ୍କୁ ଅପିଲ କରିଛନ୍ତି।