ରିୟାଙ୍କୁ ପୁଣି ଡାକିଲା ଇଡି

ମୁମ୍ବାଇ: ଦିବଂଗତ ବଲିଉଡ୍‌ ଅଭିନେତା ସୁଶାନ୍ତ ସିଂହ ରାଜପୁତଙ୍କ ବ୍ୟାଙ୍କ ଅକାଣ୍ଟରୁ ଟଙ୍କା ହଡ଼ପ ମାମଲାରେ ଶୁକ୍ରବାର ଦିନ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ପକ୍ଷରୁ ରିୟା ଚକ୍ରବର୍ତ୍ତୀଙ୍କୁ ୮ ଘଣ୍ଟା ପଚରାଉଚରା କରାଯାଇଥିବା ବେଳେ ପୁଣି ସମନ ଜାରି କରାଯାଇଛି। ସୋମବାର ପୁଣି ଥରେ ମୁମ୍ବାଇ ସ୍ଥିତ ଇଡି ଅଫିସ୍‌ରେ ହାଜର ହେବାକୁ ତାଙ୍କୁ ସମନ ପଠାଯାଇଛି। ଗତକାଲି ତାଙ୍କ ଭାଇ ଶୌବିକ ଚକ୍ରବର୍ତ୍ତୀଙ୍କୁ ପଚରାଉଚରା କରାଯାଇଥିଲା। ତାଙ୍କୁ ୧୮ ଘଣ୍ଟା ଧରି ପଚରାଉଚରା କରାଯାଇଥିବା ଜଣାପଡ଼ିଛି।

ମିଳିଥିବା ସୂଚନା ଅନୁଯାୟୀ, ଶୁକ୍ରବାର ପଚରାଉଚରା ବେଳେ ରିୟା ଚକ୍ରବର୍ତ୍ତୀ ଇଡି ଅଧିକାରୀମାନଙ୍କୁ ସହଯୋଗ କରି ନଥିଲେ। ଅନେକ ପ୍ରଶ୍ନର ସେ ଠିକ୍ ଉତ୍ତର ଦେଇ ନଥିଲେ। ଏପରିକି ତାଙ୍କର ଅନେକ ଖର୍ଚ୍ଚ ସଂପର୍କିତ ପ୍ରଶ୍ନରେ ନିଜ ପକ୍ଷ ରଖିବାରେ ସେ ସମର୍ଥ ହୋଇ ନଥିଲେ। ରିୟା ଯେଉଁସବୁ ଉତ୍ତର ଦେଇଛନ୍ତି, ତାକୁ ନେଇ ଇଡି ସନ୍ତୁଷ୍ଟ ହୋଇପାରିନି।

ଗତ କିଛି ବର୍ଷରେ ରିୟା ଚକ୍ରବର୍ତ୍ତୀଙ୍କ ବାର୍ଷିକ ଆୟ ୧୦ ଲକ୍ଷରୁ ବଢ଼ି ୧୪ ଲକ୍ଷରେ ପହଞ୍ଚିଥିବା ବେଳେ ସେହି ଅନୁସାରେ ତାଙ୍କ ନାଁରେ ଥିବା ପ୍ରୋପର୍ଟି ଓ ତାଙ୍କର ଖର୍ଚ୍ଚ ଖୁବ୍ ଅଧିକ ବୋଲି ଇଡି ପ୍ରମାଣ ପାଇଛି। ତଥାପି ଅଧିକ ପ୍ରମାଣ ସହିତ ଇଡି ତାଙ୍କୁ ପୁଣି ପଚରାଉଚରା କରିବାକୁ ପ୍ରସ୍ତୁତ ହୋଇଛି।

ସୁଶାନ୍ତ ସିଂହ ରାଜପୁତଙ୍କ ଆକାଉଣ୍ଟରୁ ୧୫ କୋଟି ଟଙ୍କା ହଡ଼ପ କରାଯାଇଥିବା ନେଇ ତାଙ୍କ ବାପା ବିହାର ରାଜଧାନୀ ପାଟନାର ଏକ ଥାନାରେ ଲିଖିତ ଅଭିଯୋଗ କରିଥିଲେ। ଏହା ସହିତ ଅନ୍ୟାନ୍ୟ ଅଭିଯୋଗ କରି ସେ ରିୟା ଚକ୍ରବର୍ତ୍ତୀଙ୍କ ସମେତ ୬ ଜଣଙ୍କ ନାଁରେ ଏତଲା ଦେଇଥିଲେ।

ଆହୁରି ପଢ଼ନ୍ତୁ

ଟ୍ରମ୍ପଙ୍କ ଆଦେଶ ଉପରେ ରୋକ୍ ଲଗାଇଲେ ସ୍ଥାନୀୟ କୋର୍ଟ

ସ୍ତ୍ରୀଙ୍କୁ ପିଟିଲେ ସ୍ୱତନ୍ତ୍ର ଡିଜି; କହିଲେ ପତ୍ନୀ କରୁଛନ୍ତି ଗୁଇନ୍ଦାଗିରି

ବଢ଼ୁଛି ମନ୍ଦିର ଦାନବାକ୍ସରୁ ଚୋରି ଘଟଣା, ସକ୍ରିୟ ଗ୍ୟାଙ୍ଗକୁ ବାନ୍ଧିଲା ପୁଲିସ୍

କୃଷି ବିଲ୍ ବିରୋଧରେ ଛତିଶଗଡ ବିଧାନସଭାରେ ଆସିବ ପ୍ରସ୍ତାବ

ବିକାଶ ଦୁବେ ଘଟଣାର ପୁନରାବୃତ୍ତି ! ଫେରାର ଗ୍ୟାଙ୍ଗଷ୍ଟାର ୟୁପି ଆସୁଥିବା ବେଳେ ଦୁର୍ଘଟଣାରେ ମୃତ୍ୟୁ

‘ମୋଦିଙ୍କ ପାଇଁ ପିଓକେର ଆଶା ବଢ଼ିଛି, ଆମେ ଭାରତରେ ସାମିଲ୍ ହେବାକୁ ଇଚ୍ଛୁକ’

ଏଲଜେପିର ଚାରି ସାଂସଦ ବିଜେପି ଲିଙ୍କରେ, ଏନଡିଏରେ ବଢ଼ିବ ଅସନ୍ତୋଷ!

ବିଶ୍ୱରେ ୧୦ ଲକ୍ଷ ଅତିକ୍ରମ କଲା କରୋନା ମୃତକଙ୍କ ସଂଖ୍ୟା

‘ଯଦି ମୁଁ କରୋନାରେ ଆକ୍ରାନ୍ତ ହେବି, ତା’ହେଲେ ମମତାଙ୍କୁ ଆଲିଙ୍ଗନ କରିବି’

ସୁରକ୍ଷାକର୍ମୀଙ୍କ ଗୁଳିରେ ୨ ଆତଙ୍କୀ ସଫା, ଯବାନ ଆହତ

ସଞ୍ଜୟ ରାଉତ-ଫଡନାଭିସ ଆଲୋଚନାର ଇଫେକ୍ଟ: ଉଦ୍ଧବ ଓ ଶରଦ ପାୱାରଙ୍କ ରୁଦ୍ଧଦ୍ୱାର ବୈଠକ

କୋଇଲା ଖଣିରେ ଭୟଙ୍କର ଦୁର୍ଘଟଣା: ୧୬ ମୃତ