ଥିରୁବନ୍ତପୁରମ୍: ୯ ବିଶ୍ୱବିଦ୍ୟାଳୟର କୁଳପତିଙ୍କୁ ଇସ୍ତଫା ଦେବାକୁ ନିର୍ଦ୍ଦେଶ ଦେଇଛନ୍ତି କେରଳ ରାଜ୍ୟପାଳ ଆରିଫ ମହମ୍ମଦ ଖାନ୍। ରାଜ୍ୟପାଳଙ୍କ ଏହି ନିର୍ଦ୍ଦେଶକୁ ନେଇ ଏବେ ଆରମ୍ଭ ହୋଇଛି ବିବାଦ।
ବିଶ୍ୱବିଦ୍ୟାଳୟ ଅନୁଦାନ ଆୟୋଗର ନିୟମକୁ ବିରୋଧ କରି ସୁପ୍ରିମକୋର୍ଟଙ୍କ ଆଦେଶକୁ ଦୃଷ୍ଟିରେ ରଖି କେରଳ ରାଜ୍ୟପାଳ ଆରିଫ ମହମ୍ମଦ ରାଜ୍ୟର ୯ ବିଶ୍ୱବିଦ୍ୟାଳୟର କୁଳପତିଙ୍କୁ ସୋମବାର ସକାଳ ସୁଦ୍ଧା ଇସ୍ତଫା ଦେବାକୁ ଅଲ୍ଟିମେଟମ୍ ଦେଇଛନ୍ତି ।
ରାଜ୍ୟପାଳଙ୍କ ଏହି ନିର୍ଦ୍ଦେଶକୁ ନେଇ ଏବେ କେରଳ ମୁଖ୍ୟମନ୍ତ୍ରୀ ପିନ୍ନରାଇ ବିଜୟନ୍ ତାଙ୍କୁ ଟାର୍ଗେଟ୍ କରିବା ସହ ତାଙ୍କ ଉପରେ ପ୍ରବଳ ବର୍ଷିଛନ୍ତି। ରାଜ୍ୟପାଳ ଆର୍ଏସ୍ଏସ୍ର ଇସାରାରେ କାମ କରୁଥିବା ନେଇ ସେ ଅଭିଯୋଗ କରିଛନ୍ତି ।
କେରଳ ମୁଖ୍ୟମନ୍ତ୍ରୀ କହିଛନ୍ତ, ରାଜ୍ୟପାଳ ନିଜ ଶକ୍ତିର ଦୂରୁପଯୋଗ କରୁଛନ୍ତି। ଏହା ଅଗଣତାନ୍ତ୍ରିକ ଏବଂ କୁଳପତିଙ୍କ ଶକ୍ତି ଉପରେ ଏହା ଏକ ଏନକାଉଣ୍ଟର। ରାଜ୍ୟପାଳ ପଦ ସରକାର ବିରୋଧୀ ନୁହେଁ, ବରଂ ସମ୍ବିଧାନର ସମ୍ମାନ ରକ୍ଷା କରିବା। ସେ ଆରଏସଏସର ଇସାରାରେ କାମ କରୁଛନ୍ତି।
https://twitter.com/ANI/status/1584414231352705025?s=20&t=loMeDhZKKDamT0vSK4cOPw
ସେପଟେ କେରଳ ଶିକ୍ଷାମନ୍ତ୍ରୀ ମଧ୍ୟ ରାଜ୍ୟପାଳଙ୍କ ଏହି ନିର୍ଦ୍ଦେଶକୁ ନିନ୍ଦା କରିଛନ୍ତି। ସେ କହିଛନ୍ତି, ଆମର ବିଶ୍ୱବିଦ୍ୟାଳୟଗୁଡିକ ଅସାଧାରଣ ସଫଳତା ହାସଲ କରୁଛନ୍ତି, କିନ୍ତୁ ରାଜ୍ୟପାଳଙ୍କ ଏହି ପଦକ୍ଷେପ ଯୋଗୁ ତାଙ୍କ ଭାବମୂର୍ତ୍ତି କ୍ଷୁର୍ଣ୍ଣ ହେଉଛି ।
ଉଲ୍ଲେଖଯୋଗ୍ୟ, ରାଜ୍ୟପାଳଙ୍କ ତରଫରୁ କେରଳ ରାଜଭବନ ପକ୍ଷରୁ ରବିବାର ଟ୍ୱିଟ୍ କରି ୯ କୁଳପତିଙ୍କ ଇସ୍ତଫା ମଗାଯାଇଥିଲା। ଯେଉଁ ବିଶ୍ୱବିଦ୍ୟାଳୟର କୁଳପତିଙ୍କୁ ଇସ୍ତଫା ଦେବାକୁ କୁହାଯାଇଛି ସେମାନଙ୍କ ମଧ୍ୟରେ କେରଳ ବିଶ୍ୱବିଦ୍ୟାଳୟ, ମହାତ୍ମାଗାନ୍ଧୀ ବିଶ୍ୱବିଦ୍ୟାଳୟ, କୋଚିନ ୟୁନିର୍ଭସିଟି ଅଫ୍ ସାଇନ୍ସ ଆଣ୍ଡ ଟେକ୍ନୋଲଜି, କନ୍ନୁର ବିଶ୍ୱବିଦ୍ୟାଳୟ, ଏପିଜେ ଅବଦୁଲ କଲାମ ବୈଷୟିକ ବିଶ୍ୱବିଦ୍ୟାଳୟ ପ୍ରମୁଖ ସାମିଲ ଅଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
