କାବୁଲ: ଆଫ୍ଗାନିସ୍ତାନର ରାଜଧାନୀ କାବୁଲରେ ଥିବା ଏକ ଅନ୍ତର୍ଜାତୀୟ କମ୍ପାନୀରେ କାର୍ଯ୍ୟ କରୁଥିବା ୩ ଜଣ କର୍ମଚାରୀଙ୍କୁ ଆଜି ଆତଙ୍କବାଦୀ ମାନେ ଅପହରଣ କରିବା ପରେ ହତ୍ୟା କରିଛନ୍ତି।
ଏମାନଙ୍କ ମଧ୍ୟରେ ଜଣେ ଭାରତୀୟ ଅଛନ୍ତି। ସେହିପରି ଅନ୍ୟଜଣେ ମ୍ୟାଲେସିଆର ହୋଇଥିବା ବେଳେ ଆଉଜଣେ ମାସେଡନିଆର ନାଗରିକ।
ଏମାନେ ସମସ୍ତେ ବିଶ୍ୱର ଦ୍ୱିତୀୟ ବୃହତ୍ତମ ଖାଦ୍ୟ ଓ କ୍ୟାଟ୍ରିଂ କମ୍ପାନୀ ‘ସୋଡେକସୋ’ରେ କାମ କରୁଥିଲେ।
ଏମାନେ କାର୍ଯ୍ୟ କରୁଥିବା ବେଳେ ଆତଙ୍କବାଦୀମାନେ କମ୍ପାନୀ ଭିତରେ ପଶି ୩ ଜଣଙ୍କୁ ଅପହରଣ କରି ନେଇଥିଲେ। ମଧ୍ୟାହ୍ନ ସମୟରେ ଏମାନଙ୍କ ମୃତଦେହ ମିଳିଛି।
ମୃତଦେହ ନିକଟରେ ପଡ଼ିଥିବା ପରିଚୟପତ୍ରରୁ ଏମାନଙ୍କ ସମ୍ପର୍କରେ ତଥ୍ୟ ମିଳିଛି ବୋଲି ଜଣେ ବରିଷ୍ଠ ପୁଲିସ୍ ଅଧିକାରୀ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
