ଚଣ୍ଡିଗଡ଼: ପଞ୍ଜାବର ଲୁଧିଆନାର ସୋମବାର ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ କାର୍ ଉପରକୁ ଆକ୍ରମଣ କରାଯାଇଛି। ଏହି ଆକ୍ରମଣରେ ତାଙ୍କ କାର୍ର କାଚ ଭାଙ୍ଗି ଯାଇଛି। ତେବେ ସେ ସୁରକ୍ଷିତ ଅଛନ୍ତି। ତାଙ୍କ ଶରୀରରେ କୌଣସି ପ୍ରକାର ଆଘାତ ଲାଗି ନାହିଁ।
ଏହି ଆକ୍ରମଣ ପରେ କେଜ୍ରିୱାଲ୍ ଟ୍ୱିଟ୍ କରି କଂଗ୍ରେସ୍ ଓ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲଙ୍କୁ ତୀବ୍ର ସମାଲୋଚନା କରିଛନ୍ତି। ସେ କହିଛନ୍ତି,“ମୋ କାର୍ ଉପରେ ଲାଠି ଓ ପଥର ଦ୍ୱାରା ଆକ୍ରମଣ କରାଯାଇଥିଲା। କାର୍ର ସମ୍ମୁଖ କାଚ ଭାଙ୍ଗି ଯାଇଛି। କଂଗ୍ରେସ ଓ ପଞ୍ଜାବ ମୁଖ୍ୟମନ୍ତ୍ରୀ ନର୍ଭସ ହୋଇଯାଇଛନ୍ତି। କିନ୍ତୁ ସେମାନେ ମୋର ବିଶ୍ୱାସ ଓ ସାହାସ ଭାଙ୍ଗି ପାରିବେ ନାହିଁ।“
ସେହିପରି ଆପ୍ ନେତା ଆଶିଷ ଖେତନ ଟ୍ୱିଟ୍ କରିଛନ୍ତି ଯେ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲଙ୍କ ଦ୍ୱାରା ପଠାଯାଇଥିବା ଭଡ଼ାଟିଆ ଗୁଣ୍ଡାମାନେ କେଜ୍ରିୱାଲ୍ଙ୍କ କାର୍ ଉପରକୁ ପଥର ଓ ଲାଠି ସାହାଯ୍ୟରେ ଆକ୍ରମଣ କରିଥିଲେ।