କ୍ୱାରେଣ୍ଟାଇନ୍‌ରେ ସ୍ୱାମୀ, ପ୍ରେମିକ ସହିତ ସ୍ତ୍ରୀ ଫେରାର

ଭୋପାଲ: ସ୍ୱାମୀ କ୍ୱାରେଣ୍ଟାଇନ୍‌ରେ ଥିବା ବେଳେ ସ୍ତ୍ରୀ ପ୍ରେମିକ ସହିତ ଫେରାର ହୋଇଯାଇଛି। ଏଭଳି ଅଭିଯୋଗ ଆସିଛି ମଧ୍ୟପ୍ରଦେଶର ଛତ୍ରପୁର ଜିଲ୍ଲାରୁ। ପୁଲିସ୍‌ ଏ ଘଟଣାରେ ନିଖୋଜ ମାମଲା ଦାଏର କରି ତଦନ୍ତ ଚଲାଇଛି।

ଅଭିଯୋଗ ଆଣିଥିବା ବ୍ୟକ୍ତି ଜଣଙ୍କ ଜଣେ ପ୍ରବାସୀ ଶ୍ରମିକ। ତାଙ୍କ ବୟସ ୫୦ ବର୍ଷ। ସେ ଦିଲ୍ଲୀରେ ଏକ କନ୍‌ଷ୍ଟ୍ରକ୍‌ସନ୍ କମ୍ପାନୀରେ କାମ କରନ୍ତି। ମେ’ ୧୯ ତାରିଖରେ ସେ ତାଙ୍କ ଗାଁ ମଧ୍ୟପ୍ରଦେଶର ମୁଣ୍ଡେରୀକୁ ଫେରିଥିଲେ। ଏହାପରେ ସେ କ୍ୱାରେଣ୍ଟାଇନ୍‌ରେ ରହିଥିଲେ। ସରକାରଙ୍କ ନିୟମ ଅନୁଯାୟୀ, ୭ ଦିନ ସରକାରୀ କ୍ୱାରେଣ୍ଟାଇନ୍‌ରେ ରହିଥିଲେ। ତା’ପରେ ୭ ଦିନିଆ ହୋମ୍‌ କ୍ୱାରେଣ୍ଟାଇନ୍‌ରେ ରହିବା ପାଇଁ ଘରକୁ ଆସିଥିଲେ। ତେବେ ହୋମ୍ କ୍ୱାରେଣ୍ଟାଇନ୍‌ରେ ଥିବା ବେଳେ ତାଙ୍କ ସ୍ତ୍ରୀ (୪୬ ବର୍ଷ) ଆଉ କାହା ସହ ଫେରାର ହୋଇଯାଇଥିବା ସେ ଥାନାରେ ଅଭିଯୋଗ କରିଛନ୍ତି।

ଏହି ଶ୍ରମିକ ଜଣଙ୍କ କହିଛନ୍ତି ଯେ କ୍ୱାରେଣ୍ଟାଇନ୍ କେନ୍ଦ୍ରରେ ୭ ଦିନ ରହି ସାରିବା ପରେ ସେ ଘରେ କ୍ୱାରେଣ୍ଟାଇନ୍‌ରେ ରହିଥିଲେ। ସେ ଘରର ପ୍ରଥମ ମହଲାରେ ରହୁଥିଲେ। ତାଙ୍କ ସ୍ତ୍ରୀ ଓ ପିଲାମାନେ ତଳ ମହଲାରେ ରହୁଥିଲେ। ତେବେ ଗତକାଲି ସକାଳୁ ଉଠିବା ପରେ ସେ ନିଜ ରୁମ୍ ଖୋଲିବାକୁ ଚେଷ୍ଟା କରି ବିଫଳ ହୋଇଥିଲେ। କାରଣ ରୁମ୍‌ ବାହାର ପଟୁ ବନ୍ଦ ଥିଲା। ତେବେ ସେ କୌଣସି ମତେ ନିଜ ସେଠାରୁ ବାହାରିବାରେ ସଫଳ ହୋଇଥିଲେ। ସେତେବେଳେ ଘରେ ତାଙ୍କ ସ୍ତ୍ରୀ ନଥିଲେ। ତାଙ୍କ ପିଲାମାନେ ମଧ୍ୟ କିଛି ଜାଣି ନ ଥିବା କହିଥିଲେ। ଏହାପରେ ସେ ମୁହଁରେ ଗାମୁଛା ବାନ୍ଧି ଆଖପାଖ ଘର ବୁଲି ତାଙ୍କ ସ୍ତ୍ରୀଙ୍କ ବାବଦରେ ପଚାରିଥିଲେ। ତେବେ କେହି କିଛି ଜାଣି ନ ଥିବା କହିଥିଲେ।

ସୁଚନାଯୋଗ୍ୟ, ଏହି ଶ୍ରମିକଙ୍କର ତିନି ସନ୍ତାନ ଅଛନ୍ତି। ପୂର୍ବରୁ ସେ ପିଲାଛୁଆ ଧରି ଦିଲ୍ଲୀରେ ରହୁଥିଲେ। ତେବେ ଦେଢ଼ ବର୍ଷ ହେବ ତାଙ୍କ ସ୍ତ୍ରୀ ଓ ପିଲାମାନେ ଗାଁରେ ରହିଆସୁଥିଲେ।

ଆହୁରି ପଢ଼ନ୍ତୁ

ସବୁ ସ୍ୱପ୍ନରେ ପାଣି ପକାଇ ଦେଲା ଏୟାର ଇଣ୍ଡିଆ, ୧୮୦ ଆଶାୟୀ ହତାଶ

ବିକାଶ ଦୁବେ ଏନକାଉଣ୍ଟରରେ ସାମିଲ ଥିବା କନଷ୍ଟେବଲଙ୍କୁ କରୋନା

ଆସିଲା ଅମିତାଭଙ୍କ ୨୬ କର୍ମଚାରୀଙ୍କ କରୋନା ଟେଷ୍ଟ ରିପୋର୍ଟ

ବିଜେପି ମନ୍ତ୍ରୀଙ୍କ ପୁଅକୁ ଅଟକାଇ ବଦଳି ହେବା ପରେ ଚାକିରି ଛାଡ଼ିଲେ କନଷ୍ଟେବଲ ସୁନୀତା

ବିଦ୍ରୋହ କରୁଥିଲେ ସଚିନ ପାଇଲଟଙ୍କ ବାପା, ହେଲେ କେବେ କଂଗ୍ରେସ ଛାଡ଼ି ନଥିଲେ

ଝୁଲନ୍ତା ଅବସ୍ଥାରେ ମିଳିଲା ବିଜେପି ବିଧାୟକଙ୍କ ମୃତଦେହ, ଦଳ ଆଣିଲା ହତ୍ୟା ଅଭିଯୋଗ

ବିକାଶ ଦୁବେ ଘଟଣାରେ ଗିରଫ ପୁଲିସ୍ ଅଧିକାରୀଙ୍କୁ ଏନକାଉଣ୍ଟର ଭୟ: ସୁପ୍ରିମକୋର୍ଟଙ୍କ ଦ୍ୱାରସ୍ଥ

ରାଜସ୍ଥାନ ମୁଖ୍ୟମନ୍ତ୍ରୀଙ୍କୁ ଆଉ ଗୋଟିଏ ଝଟକା, ସହଯୋଗୀଙ୍କ ଘରେ ଆଇଟି ରେଡ୍

ସୁଶାନ୍ତଙ୍କ ମୃତ୍ୟୁକୁ ନେଇ ଜଣେ ପୁଲିସ୍ ଅଧିକାରୀ କଲେ ଏମିତି ଦାବି

ସେକ୍ସ ରାକେଟ୍‌ର ପର୍ଦ୍ଦାଫାସ, ନାବାଳିକାଙ୍କୁ ଦୁଷ୍କର୍ମ କରି ଖବରକାଗଜ ମାଲିକ ଗିରଫ

ମାସ୍କ ପିନ୍ଧାକୁ ନେଇ ବିବାଦ: ୧୯ ବର୍ଷୀୟ ଯୁବତୀଙ୍କୁ ହତ୍ୟା

ଏହି ଅଭିନେତାଙ୍କୁ କରୋନା, ଶୁଟିଂ ଚାଲିଥିବା ବେଳେ ଆସିଲା ଖବର