ନୂଆଦିଲ୍ଲୀ: ଉତ୍ତରାଖଣ୍ଡରେ କ୍ଷମତାସୀନ କଂଗ୍ରେସ ସରକାରରେ ଅସ୍ଥିରତା ନେଇ ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହଙ୍କ ଉପରେ ଆରୋପ ଲଗାଯାଇଛି। ବିଜେପି କ୍ଷମତା ଓ ବାହୁବଳକୁ ବ୍ୟବହାର କରି ଅଣ-ବିଜେପି ସରକାରଙ୍କୁ ଅସୁବିଧାରେ ପକାଉଛି। ଆଜି ଏହିପରି ଗୁରୁତର ଅଭିଯୋଗ ଆଣିଛନ୍ତି କଂଗ୍ରେସର ମୁଖ୍ୟ ମୁଖପାତ୍ର ରଣଦୀପ୍ ସୁରଜେୱାଲା।
ସେ କହିଛନ୍ତି,“ଦଳ ଓ ସରକାର ବିପକ୍ଷରେ ଯେଉଁ ସବୁ ଷଡଯନ୍ତ୍ର ହେଉଛି ସେ ବିଷୟରେ ଭଲ ଭାବେ ମୁଁ ଅବଗତ ରହିଛି। ଏହାକୁ ଦଳ ଡରେ ନାହିଁ। ଏହି ଚ୍ୟାଲେଞ୍ଜକୁ ସରକାର ଆଇନଗତ, ରାଜନୈତିକ ଓ ସାମ୍ବିଧାନିକ ପଦ୍ଧତିରେ ସମାଧାନ କରିବାର କ୍ଷମତା ରଖିଛି। ଏଥିପାଇଁ ବିଧାନସଭାରେ ହରିଶ ରାୱତ୍ ସରକାର ସଂଖ୍ୟା ଗରିଷ୍ଠତାର ପ୍ରମାଣ କରିବାକୁ ପ୍ରସ୍ତୁତ ରହିଛି।”
ସେ ଆହୁରି ମଧ୍ୟ କହିଛନ୍ତି,“ଦେଶର ନିର୍ବାଚିତ ସରକାରଙ୍କୁ ଗାଦିଚ୍ୟୁତ କରିବାରେ ମୋଦି ଓ ଶାହ ବେଶ୍ ପାରଙ୍ଗମ। ଦେଶର ବହୁ ରାଜ୍ୟ ସରକାର ଏହି ଦୁଇଜଣଙ୍କ ଷଡଯନ୍ତ୍ରରେ ଶିକାର ହୋଉଛନ୍ତି। ଅରୁଣାଚଳ ପରେ ଏବେ ଏହି ଦୁଇ ନେତାଙ୍କ ଆଖି ଉତ୍ତରାଖଣ୍ଡ ଉପରେ ପଡିଛି।”
ଏଥିରୁ ବିଜେପି କ୍ଷନ୍ତ ରହିବା ଦରକାର ବୋଲି ସେ କହିଛନ୍ତି।