ଖାଦ୍ୟ ନାଁରେ ବୋମା: ମାଙ୍କଡ଼କୁ କନ୍ଦାଇ ମଜା ନେଲେ ଯୁବକ, ଅମାନବୀୟ ଭିଡିଓ ଭାଇରାଲ

<p>ଦିଲ୍ଲୀ: ମଣିଷ ନିଜର ଜ୍ଞାନ ଓ ବୁଦ୍ଧି ପାଇଁ ଭଗବାନଙ୍କ ସୃଷ୍ଟିରେ ଶ୍ରେଷ୍ଠ ପ୍ରାଣୀ ଭାବେ ଆଖ୍ୟା ପାଇଛି। ହେଲେ ଆଜିର ସଭ୍ୟ ସମାଜରେ ମଣିଷ ମନରୁ ମରିଯାଇଛି ମାନବିକତା। ପଶୁଠାରୁ ମଧ୍ୟ ହୀନ ପାଲଟି ଯାଇଛି ଏହି ଚାଲାକ୍ ମଣିଷ। ନିଜର ମନୋରଞ୍ଜନ ପାଇଁ ପଶୁ ଓ ପକ୍ଷୀଙ୍କ ସହ କରୁଛି ଅମାନବୀୟ ଅତ୍ୟାଚାର। ନିଜର ଦୁଃଖ, କୋହକୁ ମଣିଷ ଆଗରେ ପରିପ୍ରକାଶ କରି ପାରୁନଥିବା ନିରୀହ ପଶୁପକ୍ଷୀଙ୍କ ସହ ଅମାନବୀୟ ଅତ୍ୟାଚାର କରି ନିଜର ମନୋରଞ୍ଜନ କରୁଛି ବୁଦ୍ଧିଆ ମଣିଷ। ସେହିପରି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଯାହାକୁ ଦେଖିଲେ ହୃଦୟ କାନ୍ଦି ଉଠିବ। ମନ ଭିତରେ ପ୍ରଶ୍ନ ଉଠିବ ଏଇ କ&rsquo;ଣ ଆମର ଶିକ୍ଷିତ ସଭ୍ୟ ସମାଜ।</p> <p>ଦିଲ୍ଲୀର କିଛି ଯୁବକଙ୍କ କାରନାମା ଦେଖିଲେ ଆପଣ ସଭ୍ୟ ସମାଜର ଶିକ୍ଷିତ ମଣିଷର ମାନବିକତାକୁ ଧିକ୍କାର କରିବେ। ଏହି ଯୁବକମାନେ ବନ୍ଦ ଥିବା ପଲିଥିନ୍&zwnj;ରେ କିଛି ଖାଇବାକୁ ଦେଇଥିଲେ ଏକ ନିରୀହ ମାଙ୍କଡକୁ। ବନ୍ଦ ଥିବା ପଲିଥିନ୍&zwnj;ରେ କିନ୍ତୁ ଲୁଚି ରହିଥିଲା ଯୁବକମାନଙ୍କ ଦୁଷ୍ଟତା। ଯାହାକୁ ବୁଝି ପାରିନଥିଲା ନିରୀହ ମାଙ୍କଡ। ପଲିଥିନ୍ ଭିତରେ ଖାଦ୍ୟ ବଦଳରେ ଥିଲା ଛୋଟ ଛୋଟ ବମ୍। ଖାଇବା ପାଇଁ ପଲିଥିନ୍ ଖୋଲୁ ଖୋଲୁ ବମ୍ ଫୁଟିଥିଲା ଆଉ ଆହତ ହୋଇଥିଲା ମାଙ୍କଡ। ହେଲେ ଆହତ ମାଙ୍କଡର ବୁକୁଫଟା ଚିତ୍କାର ଶୁଭୁନଥିଲା ଅବିବେକୀ ଯୁବକଙ୍କୁ। ମାଙ୍କଡକୁ ଖାଇବାର ଲୋଭ ଦେଖାଇ ମଣିଷ ପ୍ରତି ଅବିଶ୍ୱାସର ଆଉ ଏକ ନୂଆ ଫର୍ଦ୍ଦ ଯୋଡି ଦେଇଥିଲେ ଏହି ଯୁବକମାନେ।</p> <p>courtesy-dainik bhaskar</p>