କେନ୍ଦ୍ରର ହସ୍ତକ୍ଷେପ ପରେ କମିଲା ପିଆଜ ଦର, ଓଡ଼ିଶାରେ କେବେ?

ନୂଆଦିଲ୍ଲୀ: ବଢ଼ୁଥିବା ପିଆଜ ଦର ଉପରେ ଲାଗିଲା ବ୍ରେକ୍। କେନ୍ଦ୍ର ସରକାରଙ୍କ ହସ୍ତକ୍ଷେପ ପରେ ଦିଲ୍ଲୀ, ମୁମ୍ବାଇ ଏବଂ ଚେନ୍ନାଇ ଭଳି ପ୍ରମୁଖ ବଜାରରେ ପିଆଜର ହୋଲସେଲ ମୂଲ୍ୟ କିଲୋଗ୍ରାମ ପିଛା ୧୦ ଟଙ୍କା କମିଛି। ଆକାଶ ଛୁଆଁ ମୂଲ୍ୟକୁ ଦୃଷ୍ଟିରେ ରଖି ପିଆଜ ଷ୍ଚକ ଉପରେ ସରକାର ସର୍ବାଧିକ ସୀମା ସ୍ଥିର କରିଛନ୍ତି। ଏହା ବ୍ୟତୀତ ରପ୍ତାନି ଉପରେ ପ୍ରତିବନ୍ଧକ ଲଗାଇବା ସହିତ ଆମଦାନୀ ବୃଦ୍ଧି ପାଇଁ ମଧ୍ୟ ପଦକ୍ଷେପ ନେଇଛି କେନ୍ଦ୍ର। ତେବେ ଏହାର ପ୍ରଭାବ ଓଡ଼ିଶାରେ ପଡ଼ିଛି କି ନାହିଁ ସ୍ପଷ୍ଟ ହୋଇନି।

ଶନିବାର ପିଆଜ ଦର ବୃଦ୍ଧି ନେଇ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ କହିଥିଲେ ଯେ, ଆହୁରି ମାସେ ୨ ମାସ ପିଆଜ ଦର ବେକାବୁ ହେବ। ପିଆଜ ଦର ପାଇଁ କେନ୍ଦ୍ରକୁ ଦାୟୀ କରିଥିଲେ ଯୋଗାଣ ମନ୍ତ୍ରୀ। କେନ୍ଦ୍ର ସରକାର ଅତ୍ୟାବଶ୍ୟକ ଦ୍ରବ୍ୟରୁ ପିଆଜକୁ ବାଦ୍ ଦେଇଛନ୍ତି। ଆଳୁ, ପିଆଜର ଷ୍ଟକ୍, ପରିବହନ ଯାଞ୍ଚ ନେଇ ଆମର ଅଧିକାର ଥିଲା। ନୂଆ କୃଷି ଆଇନ ପରେ ଆମର ସେ ଅଧିକାର ଆଉ ରହିଲାନି। ରାଜ୍ୟ ସରକାରଙ୍କୁ ପଙ୍ଗୁ କରି ଦେଇଛନ୍ତି କେନ୍ଦ୍ର ସରକାର। କେନ୍ଦ୍ର ସରକାରଙ୍କ ଭୁଲ୍ ନୀତି ଯୋଗୁଁ ପିଆଜ ଦର ଆକାଶଛୁଆଁ ହୋଇଛି। କେନ୍ଦ୍ର ସହ ପାଣିପାଗ ମଧ୍ୟ ପିଆଜ ଦର ବୃଦ୍ଧିର ପ୍ରମୁଖ କାରଣ ପାଲଟିଛି। ପାଣିପାଗ ଯୋଗୁଁ ନୂଆ ପିଆଜ ଆମଦାନୀ ପ୍ରଭାବିତ ହୋଇଛି। ଆହୁରି ମାସେ ଦୁଇମାସ ପିଆଜ ଦର ବେକାବୁ ରହିବ। କେବଳ ପିଆଜ ନୁହେଁ; ଆଳୁ, ଡାଲି, ତେଲ ଦର ବି ବଢ଼ିଛି। ଅଧିକାର ନଥିବା ସତ୍ତ୍ୱେ ଜିଲ୍ଲାପାଳମାନଙ୍କୁ କଣ୍ଟ୍ରୋଲ କରିବାକୁ କହିଛୁ ବୋଲି ମନ୍ତ୍ରୀ କହିଥିଲେ।

ତେବେ କେନ୍ଦ୍ର ସରକାର ହସ୍ତକ୍ଷେପ କରିବାର ଗୋଟିଏ ଦିନ ପରେ ଉତ୍ପାଦନ କ୍ଷେତ୍ରରେ ମୂଲ୍ୟ ମଧ୍ୟ କମିଛି। ମହାରାଷ୍ଟ୍ରର ଲାସାଲଗାଓଁରେ ଏହାର ମୂଲ୍ୟ ପାଞ୍ଚ ଟଙ୍କା ହ୍ରାସ ପାଇଛି ଏବଂ ଏହା କିଲୋଗ୍ରାମ ପିଛା ୫୧ ଟଙ୍କାକୁ ଖସି ଆସିଛି। ଲାସାଲଗାଓଁ ଏସିଆର ପିଆଜର ସବୁଠାରୁ ବଡ ହୋଲସେଲ ବଜାର।

ସରକାରୀ ତଥ୍ୟ ଅନୁଯାୟୀ ଚେନ୍ନାଇରେ ହୋଲସେଲ ପିଆଜ ମୂଲ୍ୟ ୨୩ ଅକ୍ଟୋବରରେ ୭୬ କିଲୋଗ୍ରାମରୁ ୨୪ ଅକ୍ଟୋବରରେ ୬୬ କିଲୋଗ୍ରାମକୁ ଖସି ଆସିଛି। ସେହିଭଳି ମୁମ୍ବାଇ, ବେଙ୍ଗାଲୁରୁ ଏବଂ ଭୋପାଳରେ ମଧ୍ୟ କିଲୋଗ୍ରାମରେ ୫-୬ ଟଙ୍କା ହ୍ରାସ ପାଇ ୭୦ କିଲୋଗ୍ରାମରେ, ୬୪ କିଲୋଗ୍ରାମରେ ୪୦ ଟଙ୍କା ଏବଂ କିଲୋଗ୍ରାମରେ ୪୦ ଟଙ୍କା ହ୍ରାସ ପାଇଛି। ଅନ୍ୟପଟେ ଦିଲ୍ଲୀର ଆଜାଦପୁର ମଣ୍ଡି ବିଶ୍ୱର ସର୍ବବୃହତ ପନିପରିବା ବଜାରରେ ଦୈନିକ ୫୩୦ ଟନରୁ ଅଧିକ ବିକ୍ରି ହୋଇଛି।

ମୁମ୍ବାଇରେ ପିଆଜ ଦିନ ପିଛା ୮୮୫ ଟନରୁ ୧,୫୬୦ ଟନକୁ ବୃଦ୍ଧି ପାଇଛି। ଚେନ୍ନାଇର ୧,୧୨୦ ଟନରୁ ୧,୪୦୦ ଟନ୍ ଏବଂ ବାଙ୍ଗାଲୋରରେ ୨୫୦୦ ଟନରୁ ୩୦୦୦ ଟନକୁ ବୃଦ୍ଧି ପାଇଛି। ତେବେ ଲକ୍ଷ୍ନୌ, ଭୋପାଳ, ଅହମ୍ମଦାବାଦ, ଅମୃତସର, କୋଲକାତା ଏବଂ ପୁଣେ ଭଳି ସହରରେ ପିଆଜ ବିକ୍ରି ବଢ଼ି ନାହିଁ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।