ପାଟଣା: ବୁଧବାର ବିହାରରେ ପ୍ରଥମ ପର୍ଯ୍ୟାୟ ମତଦାନ ଜାରି ରହିଛି। ଏହାରି ମଧ୍ୟରେ କଂଗ୍ରେସ ନେତା ରାହୁଲ ଗାନ୍ଧୀ କହିଛନ୍ତି ଯେ ଦଶହରାରେ ପଞ୍ଜାବରେ ପ୍ରଧାନମନ୍ତ୍ରୀଙ୍କ କୁଶପୁତ୍ତଳିକା ପୋଡା ଯାଇଛି। ପ୍ରଧାନମନ୍ତ୍ରୀଙ୍କ କୁଶପୁତ୍ତଳିକ ଜାଳିବା ଦୁଃଖଦାୟକ, ହେଲେ ଯୁବକ ମାନେ ଆକ୍ରୋଶ ଭାବ ରଖି ଏପରି କରିଛନ୍ତି। ରୋଜଗାର ନାହିଁ କିଛି ନାହିଁ ତେଣୁ ଯୁବକମାନେ ଏଭଳି କରିଛନ୍ତି ବୋଲି ରାହୁଲ୍ କହିଛନ୍ତି। କଂଗ୍ରେସ ସରକାର ଚଳାଇବା ଜାଣିଛି, ଯୁବକମାନଙ୍କୁ କିପରି ରୋଜଗାର ଦେବେ ତାହା ଜାଣିଛି କିନ୍ତୁ ଆମେ ମିଛ କହିବା ଜାଣି ନାହୁଁ ବୋଲି ସେ କହିଛନ୍ତି।
ବାଲ୍ମିକିନଗରରୀରେ ଏକ ନିର୍ବାଚନୀ ବୈଠକରେ ସମ୍ବୋଧିତ କରିବାବେଳେ ରାହୁଲ ଆରଜେଡି ନେତା ତେଜସ୍ୱୀ ଯାଦବଙ୍କୁ ପ୍ରଶଂସା କରିବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ଟାର୍ଗେଟ କରିଛନ୍ତି। ଏହି ଅବସରରେ ମୋଦିଙ୍କ କୁଶପୁତ୍ତଳିକା ଦାହ କଥା କହିଥିଲେ।
ଲକଡାଉନ୍ ଏବଂ ବିମୁଦ୍ରାକରଣର ଲକ୍ଷ୍ୟ ସମାନ। ବିମୁଦ୍ରୀକରଣରେ ମୋଦି ଆପଣଙ୍କ ପକେଟରୁ ଟଙ୍କା ନେଇ ଦେଶର ପାଞ୍ଚଟି ବଡ ଶିଳ୍ପପତିଙ୍କୁ ଦେଇଥିଲେ ଏବଂ ଲକଡାଉନରେ ମଧ୍ୟ କ୍ଷୁଦ୍ର ଏବଂ ମଧ୍ୟମ ବ୍ୟବସାୟର ବ୍ୟବସାୟ ବନ୍ଦ ହୋଇଯାଇଥିଲା ଏବଂ ଏହି ନାମରେ ଶିଳ୍ପପତିଙ୍କ ଋଣ ଛାଡ କରାଯାଇଥିଲା।
କୃଷି ଆଇନ ପ୍ରସଙ୍ଗ ଉଠାଇ ରାହୁଲ କହିଛନ୍ତି ଯେ ସାଧାରଣତ ଦଶହରାରେ ରାବଣର କୁଶପୁତ୍ତଳିକା ପୋଡି ଦିଆଯାଏ, କିନ୍ତୁ ଏଥର ପଞ୍ଜାବରେ ପ୍ରଧାନମନ୍ତ୍ରୀ ତଥା ଶିଳ୍ପପତିଙ୍କ କୁଶପୁତ୍ତଳିକା ପୋଡି ଦିଆଯାଇଛି। ସେ କହିଛନ୍ତି ଯେ ଏହା ଦୁଃଖଦାୟକ, କିନ୍ତୁ ଏହା ଘଟୁଛି କାରଣ ଚାଷୀ ଅସନ୍ତୋଷ ପ୍ରକାଶ କରିଛନ୍ତି, ଯୁବକମାନେ ରାଗିଛନ୍ତି।
ବିହାର ଅବସ୍ଥା ପାଇଁ ନୀତୀଶ କୁମାର ଏବଂ ପ୍ରଧାନମନ୍ତ୍ରୀଙ୍କୁ ଦାୟୀ କରି କହିଛନ୍ତି ରାହୁଲ୍। ବିହାରର ଲୋକମାନେ ଦିଲ୍ଲୀ, ହରିୟାଣା, ପଞ୍ଜାବ, ବେଙ୍ଗାଲୁରୁରେ ଚାକିରୀ ପାଆନ୍ତି କିନ୍ତୁ ବିହାରରେ ନୁହେଁ, କାରଣ ନୀତୀଶ କୁମାର ଏବଂ ନରେନ୍ଦ୍ର ମୋଦୀଙ୍କ ଅଭାବ ରହିଛି ବୋଲି ସେ କହିଛନ୍ତି।
ସେ କହିଛନ୍ତି ଯେ ବିହାରର ଚାଷୀ ଏବଂ ଯୁବକମାନେ ପରିଶ୍ରମୀ, ସେଥିପାଇଁ ମହାତ୍ମା ଗାନ୍ଧୀ ପ୍ରଥମେ ବିହାରର ଚମ୍ପରାନକୁ ବ୍ରିଟିଶମାନଙ୍କୁ ଘଉଡାଇବା ପାଇଁ ଆସିଥିଲେ ବୋଲି ସେ କହିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
