ରୁଷକୁ ଝଟକା, ମହାକାଶରୁ ଖସିଲା ରକେଟ୍

ମୋସ୍କୋ: ରୁଷକୁ ମହାକାଶରେ ଝଟକା। ୯ ବର୍ଷ ପରେ ଏହି ଝଟକା ଲାଗିଛି। ଦୀର୍ଘ ୯ ବର୍ଷ ତଳେ ମହାକାଶର ଉପଗ୍ରହକୁ ଉତକ୍ଷେପଣ କରୁଥିବା ଗୋଟିଏ ରକେଟ୍ ଏବେ ଅରବିଟରେ ଖସିପଡ଼ିଛି। ଯାହାର ଖଣ୍ଡ ବିଖଣ୍ଡିତ ପୃଥିବୀ ଉପରେ ଆବର୍ଜନା ଆକାରରେ ପଡିଛି। ରୁଷିଆର ଅନ୍ତରୀକ୍ଷ ସଂସ୍ଥା ରସକୋସମସ ଏହି ସୂଚନା ଦେଇଛି। ୨୦୧୧ରେ ଫ୍ରେଗେଟ୍-ଏସବି ରକେଟ୍ ଜରିଆରେ  ସ୍ପେକଟର-ଆର ସାଟେଲାଇଟକୁ  ଉତକ୍ଷେପଣ କରାଯାଇଥିଲା।

ତେବେ ଏହି ସାଟେଲାଇଟରେ ଲାଗିଥିବା ଏକ ରେଡିଓ ଟେଲିସ୍କୋପ କିନ୍ତୁ ଗତ ବର୍ଷ ଗ୍ରାଉଣ୍ଡ କଣ୍ଟ୍ରୋଲ ସେଣ୍ଟରକୁ ସୂଚନା ଦେବା ବନ୍ଦ କରି ଦେଇଥିଲା। ତେଣୁ ରୁଷିଆ ସରକାର ଏହି ସାଟେଲାଇଟକୁ ମେ ୨୦୧୯ ରେ ମୃତ ଘୋଷଣା କରିଥିଲେ। ଏହି ରକେଟ୍ ମେ’ ୮ରେ ଭାରତ ମହାସାଗର ଉପରେ ଖସି ପଡିଛି। ଏବେ ଭାରତ ମହାସାଗରରେ ଏହି ସାଟେଲାଇଟ୍ କେଉଁଠି ଖସି ପଡ଼ିଛି ସେ ବାବଦରେ ଛାନଭିନ୍ କରୁଛି ରସକୋସମସ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।