ସିଓଲ: ଦକ୍ଷିଣ କୋରିଆରେ କରୋନା ଆକ୍ରାନ୍ତଙ୍କ ସଂଖ୍ୟା କମିବାରେ ଲାଗିଛି। ରବିବାର ଆକ୍ରାନ୍ତଙ୍କ ସଂଖ୍ୟା ଏକକ ଅଙ୍କକୁ ଖସିଛି। ମାତ୍ର ୮ ଜଣ ରବିବାର କରୋନାରେ ଆକ୍ରାନ୍ତ ହୋଇଛନ୍ତି। ଶନିବାର ଆକ୍ରାନ୍ତଙ୍କ ସଂଖ୍ୟା ୨୦ ରହିଥିଲା। ଏଯାବତ ଦକ୍ଷିଣ କୋରିଆରେ ଆକ୍ରାନ୍ତଙ୍କ ସଂଖ୍ୟା ୧୦,୬୬୧ ଛୁଇଁଛି। ଏ ନେଇ କୋରିଆ ସେଣ୍ଟର ଫର୍ ଡିଜିଜ କଣ୍ଟ୍ରୋଲ ଆଣ୍ଡ ପ୍ରିଭେନସନ ପକ୍ଷରୁ ସୂଚନା ମିଳିଛି। ତେବେ ଶନିବାର ପୂର୍ବରୁ କରୋନା ଆକ୍ରାନ୍ତଙ୍କ ସଂଖ୍ୟା ପ୍ରତିଦିନ ୩୦ ପାଖାପାଖି ଥିଲା।
ଚାଇନା ଓ ଅନ୍ୟାନ୍ୟ ଦେଶ ଭଳି ଦକ୍ଷିଣ କୋରିଆରେ ମଧ୍ୟ କରୋନା ବ୍ୟାପକ ବିସ୍ତାର କରିଥିଲା। ଫେବୃଆରୀ ୨୯ରେ ଗୋଟିଏ ଦିନରେ ୯୦୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ। ହେଲେ ରାପିଡ୍ ଟେଷ୍ଟ, ସ୍ୱାସ୍ଥ୍ୟ ପରୀକ୍ଷା ଓ ଏକାନ୍ତବାସ ବ୍ୟବସ୍ଥା କରାଇ ଦକ୍ଷିଣ କୋରିଆ ସରକାର କରୋନାକୁ ନିୟନ୍ତ୍ରଣ କରିବାରେ ସଫଳ ହୋଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
