ନୂଆଦିଲ୍ଲୀ: ଅଳ୍ପ କିଛି ଦିନର ନୀରବତା ପରେ ପୁଣି ଥରେ ଉପତ୍ୟାକାରେ ମୁହାଁମୁହିଁ ସୁରକ୍ଷାବଳ ଏବଂ ଆତଙ୍କବାଦୀ । ଜମ୍ମୁ ଓ କାଶ୍ମୀରର କୁପୱାଡ଼ା ଜିଲ୍ଲାରେ ଆଜି ହୋଇଥିବା ଏନ୍କାଉଣ୍ଟରରେ ଦୁଇ ଜଣ ଆତଙ୍କବାଦୀ ନିହତ ହୋଇଛନ୍ତି। କୁପୱାଡ଼ା ଜିଲ୍ଲାର ହଦ୍ୱାରା ଅଞ୍ଚଳରେ ଆତଙ୍କବାଦୀ
ଲୁଚି ରହିଥିବା ନେଇ ସୁରକ୍ଷାବାହିନୀକୁ ସୂଚନା ମିଳିଥିଲା । ଏହାପରେ ଅଞ୍ଚଳରେ ସର୍ଚ୍ଚ ଅପରେସନ୍ ଆରମ୍ଭ କରିଥିଲା ସେନା। ଅଞ୍ଚଳକୁ ଚାରିପଟୁ ଘେରି ଯାଇଥିଲେ ଯବାନ। ତେବେ ତଲାସି ବେଳେ ସୁରକ୍ଷାବାହିନୀ ଉପରକୁ ଆକ୍ରମଣ କରିଥିଲେ ଆତଙ୍କବାଦୀ । ଏହା ପରେ ଆଖିବୁଜା ଗୁଳିମାଡ଼ ହୋଇଥିଲା। ଯାହାର ଜବାବ ଦେଇଥିଲେ ଯବାନ।
ଶେଷ ମୂହୁର୍ତ୍ତରେ ଆତ୍ମ ସମର୍ପଣ ପାଇଁ କହିବା ସତ୍ତ୍ୱେ ମାନି ନ ଥିଲେ ଆତଙ୍କବାଦୀ। ଏବେ ଯାଏ ମିଳିଥିବା ସୂଚନା ମୁତାବକ, ଅଞ୍ଚଳରେ ସର୍ଚ୍ଚ ଅପରେସନ୍ ଜାରି ରହିଛି। ଜିଲ୍ଲାର ବିଭିନ୍ନ ପ୍ରବେଶ ପଥକୁ ସିଲ୍ କରାଯାଇଛି । ଗତ ଦୁଇ ବର୍ଷ ତଳେ ଆତଙ୍କବାଦୀ ବୁରାହନ୍ୱାନୀ ଏନ୍କାଉଣ୍ଟର ପରେ ଅପରେସନ୍ ଅଲ ଆଉଟ୍ ଆରମ୍ଭ କରିଛି ସେନା। ଏହି ଧାରାରେ ତିନି ଶହରୁ ଅଧିକ ଆତଙ୍କବାଦୀଙ୍କୁ ଏନ୍କାଉଣ୍ଟର କରାଗଲାଣି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
